[A:1007]སློབ་དཔོན་བལ་པོ་འཇིག་རྟེན་ནི། སྔོན་བསོད་ནམས་བསགས་པས་ཡབ་མེས་བཀའ་དྲིན་ཅན་གྱི་དཔོན་སྲས་སུ་འཁྲུངས། གཅེན་པོ་གོང་མ་རྣམས་ཀྱིས་ཐུགས་ཟིན། བླ་མ་གོང་མ་རྣམས་ཀྱི་ཐུགས་དགོངས་ལོན། ཡབ་མེས་ཀྱི་གདན་ས་མཐོན་པོའི་སྟེང་ནས་ཕྱག་རྒྱ་ཆནེ་པོའི་གདམས་པ་ཉི་མ་ཤར་བ་ལྟར་གསུངས་པས་འགྲོ་བའི་མུན་པ་བསལ། ཡི་དམ་ལྷའི་ཞལ་གཟིགས། མཁའ་འགྲོ་བྲན་དུ་འཁོལ། ཆོས་སྐྱོང་ལྕམ་དྲལ་དང་དམ་ཅན་ཕོ་མོ་རྣམས་དང་གསུང་གླེང་མཛད་ཅིང་བཀའ་བསྒོ་བའི་ལས་མཛད་པ་ཆེན་པོའོ།
བླ་མ་སྐྱེ་མེད་ཀྱི་ཐུགས་ཀྱི་སྲས་སུ་གྱུར་པ་ཡང༌། སྒོམ་ཀྭ་བ་བཞི། གདུང་དྲུག གཡོར་པོ་བའི་བུ་གསུམ། དམག་པ་སྒང་ལ་སོགས་ཏེ། ཀྭ་བ་བཞི་ནི། རྒྱལ་གྱི་སྒོམ་ཚོ། གྲབ་ཀྱི་སྒོམ་ཚོ། བྱེ་མ་ལུང་སྟོང་གི་སྒོམ་ཚོ། ཀླགས་ཀྱི་སྒོམ་ཚོའོ། །གདུང་དྲུག་ལ། རྭ་ལོ་ཙཱ་བ། བ་ཚབ་ལོ་ཙཱ་བ། དོལ་བོ་ཡེ་ཤེས། དགེ་བཤེས་གཉན་ལ་སོགས་པའོ། གཡོར་པོའི་བུ་གསུམ་ལ། རོག་པ་དམར་རྡོར་སེང༌། ཞང་བྲའོ་བྲག་རྩ་བ། རླུང་སྟོན་རྡོ་རྗེ་བླ་མ་རྣམས་སོ། །གཞན་ཡང་མངའ་རིས་པར་བུ་པ་དང༌། སྒང་སྟོན་འོད་འབར་དང༌། སྤང་སྟོན་ཆོས་འབར་ལ་སོགས་པའོ།
དེ་དག་ལས་རོག་རྡོར་སེང་གིས་སངས་རྒྱས་བརྩག་སོན་ལ་གསུངས་སོ།
སློབ་དཔོན་རླུང་སྟོན་གྱིས་ནི། བླ་མ་ཡང་མཉེས་པ་གསུམ་གྱིས་མཉེས་པར་མཛད། ཕྱག་རྒྱ་ཆེན་པོའི་རྟོགས་པ་འཁྲུངས། བལ་པོ་སྐྱེ་