[A:1049]རེག་གསུང༌། སྒོ་མ་ཕྱེ་བྱས་པས་ངེད་ལ་རྩིག་པ་ལ་ཐོགས་རྡུགས་མེད་གསུང་ནས་བཞུགས་སོ། དེ་ནས་ཉེ་འབྲེལ་བ་སོགས་ནས་ཕྱག་དང་བསྙེན་བཀུར་བྱས། ཚོགས་པའི་གསེབ་ཏུ་བརྡའི་ངོ་སྤྲོད་ཅིག་མཛད་པས་སྐམ་ངེས་ཤེས་སྐྱེས་ནས། མི་མངས་ཀྱི་གསེབ་ཏུ་རེ་འཕངས་སྙམ་པ་དང༌། དམ་པའི་ཞལ་ནས། བརྡ་མིག་ཅན་གྱིས་མཐོང་བ་ཡིན། མིག་མེད་ཀྱིས་མི་མཐོང་གསུང་སྟེ། གཞན་ལ་གོ་བ་མི་གདའ། དེར་ཞག་བཅུ་བཞི་བཞུགས་པ་ལ་ཞག་ལྔར་གླེང་སླངས་མཛད། ཞག་དགུ་ཆོས་ཐུན་དུ་བཅུག་ནས་གསུངས་ཏེ། སྐབས་དང་པོ་ལ་ནད་ཐོག་ཏུ་སྐོར་བ་དང་སྒོམ་ཐོག་ཏུ་སྐོར་བ་གཉིས་གཉིས་སུ་ངོ་སྤྲད། བར་དུ་བདེན་བཞི་དང་སྐྱབས་འགྲོ་དང་ཐོར་བུ་པ་རྣམས་གསུངས། ཞག་བཅུ་བཞི་ལོན་ནས་ང་འགྲོ་གསུང༌། བཞུགས་པར་ཞུས་པས་མ་གནང༌། ཕྱིས་མཇལ་བར་ཞུས་པས་རྒྱ་ནག་རི་བོ་རྩེ་ལྔ་ལ་ཡེ་ཤེས་ཀྱི་མཁའ་འགྲོ་མ་དང་ལྷན་ཅིག་ཏུ་གནས་པས་དེར་གསོལ་བ་ཐོབ་གསུང༌། ཤུལ་དུ་མ་བདེ་བ་བྱུང་ན་སུ་ལ་འདྲི་ཞུས་པས། རབ་རིག་པའི་དགེ་བའི་བཤེས་གཉེན་ཡིན་པས་སྒྲོ་འདོགས་གཅོད་པའི་བླ་མ་ཅིག་ནང་ནས་འབྱོན་པར་འདུག་གི་འབྲིང་འཕགས་པའི་དགེ་བའི་བཤེས་གཉེན་ཡིན་པས་མདོ་རྒྱས་འབྲིང་བསྡུས་གསུམ་ལྟོས། ཐ་མ་གང་ཟག་གི་དགེ་བའི་བཤེས་གཉེན་ཡིན་ཏེ། ང་དང་མི་འཕྲད་པས་མཆེད་པོ་ཉམས་ཅན་དང་གླེང་སླངས་གྱིས། ལོ་བརྒྱད་བསྒོམས། དེ་ནས་མངོན་པར་ཤེས་པར་འཆར། དེ་ནས་མདོ་རྒྱས་འབྲིང་གི་བཤད་པ་རྩོམས་གསུང་བ་ལ། སྐམ་གྱིས་ང་ལ་དེ་ཙམ་སྒོམ་ལོང་