[A:1054]སོང༌། སྒྲོ་ལ་ཤོག་གསུང་ནས་ཕྱིན་པས་དྲི་རྒྱུ་ཅི་ཡོད་གསུང་པས། སྔར་ནས་བསམས་པའི་གྲུབ་མཐའ་མང་དུ་དྲིས་པས། ལན་མི་གསུང་བར་བདག་པོས་དྲུང་དུ་སྐྱོལ་གསུང༌། ཀུན་དགའ་ན་རེ། རང་གི་ཉམས་སམ་བླ་མའི་གདམས་ངག་དྲིས་དང་ཟེར་བས། སྐམ་ཡེ་ཤེས་རྒྱལ་མཚན་ན་རེ་འདི་སྐད་གསུང་བྱས་ནས་ཤེར་ཕྱིན་ལ་དྲིས་པས་དགྱེས་ནས། ཁྱོད་སྐམ་གྱི་སློབ་མ་ཡིན་ནམ། སྐམ་ཡེ་ཤེས་རྒྱལ་མཚན་བདེའམ་གསུང༌། སྔར་གྱི་བླ་མ་ཡིན་པར་ངོ་ཤེས་ནས་གདམས་པ་ཞུ་ཞིང་སྡོད་པར་ཞུས་པས། དམ་པའི་ཞལ་ནས། ཚོགས་སུ་འཕགས་པ་བརྒྱད་སྟོང་པ་ཅིག་དགོས་པ་ལ་སུ་ལ་ཡོད་གསུང༌། སོ་ཧོར་འབར་སྐུ་མཆེད་མཆོད་གནས་པར་ཡོད་པས་ང་ཅག་གིས་བྲིས་ལ་དབུལ་ལོ་ཟེར་བས། ཡི་གེ་མགོ་ཅན་ན་མགོ་ཅན། མགོ་མེད་ན་མགོ་མེད། ཟླ་བ་གཅིག་གི་ནང་དུ་ཟིན་པར་གྱིས་ལ་ཁྱོག་གསུང༌། ད་བརྒྱད་སྟོང་པ་ག་རེ་གསུང་བས། ད་དུང་མ་ཚར་ཞུས་པས་ཤིན་ཏུ་མ་དགྱེས་ཏེ། ཆེད་ཀ་མེད་པར་ཨ་ཙ་ར་འཁྲུག་པ་ཕམ། ད་སྐྱས་འགྱོགས་དགོས་པར་འདུག་གསུང་ནས་དཀའ་ཐུབ་ཁང་པར་གཤེགས། བརྒྱད་སྟོང་པས་ཅི་བགྱི་ཞུས་པས་ཟངས་དུང་གི་ཁ་ལ་བཀྱོན་ནས་ཤར་ཕྱོགས་སུ་འབུད་པ་ཡིན་ཏེ་གསུང༌། དེ་ནས་ཞག་བདུན་དཀའ་ཐུབ་མཛད་ནས་གྲོངས་སོ། སྒྲོལ་དཀའ་ཐུབ་ཀྱི་ཕྱོགས་ལོ་ཉི་ཤུ་རྩ་བདུན་གཏད། དེར་སྤུར་སྦྱངས་ཏེ་གདུང་བསྡུས་ནས་སྒྲོས་ཡུལ་དུ་བྱོན་ནས་སྐམ་དང་མཇལ་བས། ངའི་བླ་མ་དེར་འདུག་གམ་མི་འདུག་གསུང༌། ཡིན་པར་འདུག་ཞུས་པས། ཨེ་ཤ་ང་རང་