[A:1069]ནས་ཀྱང་གླང་འཁོར་དུ་བཞུགས། ལོ་བརྒྱད་ཅུ་རྩ་གཅིག་ལ་འདས། རིང་བསྲེལ་མང་དུ་བྱོན་ནོ། །
ཇོ་མོ་འབར་མ་ནི། ཡུལ་མྱང་སྟོད་པ་དམ་པ་ཅུག་གི་ཇོ་མོ་བྱས་ནས་དམ་པ་ལ་གདམས་པ་ཞུས། ལོ་གསུམ་ནས་རི་དྭགས་ལྟར་རི་ལ་ཉམས་སུ་བླངས་པས་རྟོགས་པ་ཤར། མྱང་སྟོད་ཚེས་སྤོང་སར་འདས་པས་རིང་བསྲེལ་མང་དུ་བྱོན། །
ཇོ་མོ་རི་མ་ནི། རྩང་རོང་སྣར་པ་མོ། ཁྱིམ་ཐབ་བྱས་པས་ཁྱོ་མ་རུངས་པ་ཅིག་བྱུང་ནས་སོ་སོར་གྱེས་ཏེ་ཚོང་པའི་ཕྱི་འབྲངས་ནས་དམ་པ་དང་མཇལ། ལོ་བདུན་དུ་གདམས་པ་ཞུས་ཤིང་ཉམས་སུ་བླངས་པས་རྟོགས་པ་ཤར། དེ་གྲོངས་པའི་སྤུར་ཁང་ལ་དམ་པས་སྐོར་བ་མང་དུ་མཛད་པས་ཐམས་ཅད་ངོ་མཚར་སྐྱེས། རིངབསྲེལ་མང་དུ་བྱོན་ནོ། ཇོ་མོ་ཡེ་ཤེས་ལྕམ་ནི་ཡུལ་མང་ཡུལ་གུང་ཐང༌། ཇོ་མོ་རྗེ་མོ་ཞེས་བྱ་བ་གྲུབ་ཐོབ་མ་ལོ་བརྒྱ་དང་གཅིག་ལ་འདས་པ་དེའི་ཉེ་གནས་མ་ཡིན། བླ་མ་མཆོད་པ་ལ་མཁས་ཤིང་ཁྱད་པར་དུ་དམ་པ་ལ་མོས་པས་རྟོགས་པ་ཤར་ཏེ་ཕྱིས་གུང་ཐང་དུ་གྲོངས། སྒྲ་འོད་དང་འཇའ་ཚོན་མང་པོ་བྱུང༌། ཇོ་མོ་ཆོས་སྒྲོན་ནི་ཡུལ་ལ་སྟོད་ལྡོག་པ་མོ། བྱང་ཆུབ་སེམས་དཔའ་ཀུན་དགའི་ཇོ་མོ་བྱས་ཏེ། ཀུན་དགའ་དམ་པའི་སྤྱན་སྔར་ཡུན་རིངས་པ་ལ་འཚིག་ཀྱིན་ལྕོག་སྦུ་ནས་ཐུར་ཞི་ཆེ་ལ་འདྲུད། དེ་ལ་ཀུན་དགའ་བཟོད་པའི་བླ་མར་ཁུར་ནས་མི་བཀྱོན་པར་གུ་ལེ་མཛོད་ཅིག ད་རེས་ཐུགས་ཚིམ་མམ་ཟེར་ཡང་ཇོ་མོ་ལ་དམ་ཚིག་