[A:1092]བའི་ཚེ་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་རྒྱ་རིམ་པ་བདུན་དུ་བཏབ་པའི་རྟེན་འབྲེལ་གྱིས། ཐོགས་མེད། དབྱིག་གཉེན། བྲམ་ཟེ་ཨཱརྻ་དེ་བ། དམ་པ། ཀུན་དགའ། པ་ཚབ། ཏེ་ནེ་སྟེ། བདུན་གྱི་བར་དུ་ཆིག་བརྒྱུད་ཡིན། དེའི་སློབ་མ་ཞིག་པོ་སྐུ་མཆེད་ནས་གདམས་པ་ཚང་བ་ཕྱོགས་བཅུར་བཀྱེའོ། འདི་ལ་ཞིག་པོས་བསྔགས་པ་བརྗོད་པ་ནི། འཕྲལ་འདོད་པ་ཆེ་ཆེ་འདྲ་ཡང་གཏིང་འཛིན་བཟང་པོའི་བླ་མ། འཕྲལ་གང་བླུན་བླུན་འདྲ་ཡང་གཏིང་ཞེ་བཅད་ཆེ་བའི་བླ་མ། འཕྲལ་འགྲོགས་མི་བདེ་བ་ལྟར་སྣང་ཡང་བྲལ་ན་སྙིང་ལ་འདོད་པའི་བླ་མ། འཕྲལ་ལུས་ངག་ཐ་མལ་དུ་སྡོད་པ་ལྟར་སྣང་ཡང་གཏིང་དགེ་སྦྱོར་ཡེངས་པ་མེད་པའི་བླ་མ། འཕྲལ་མི་སྒོམ་པར་ཅར་ཉལ་བྱེད་པ་ལྟར་སྣང་ཡང་ནང་ནས་ཏིང་ངེ་འཛིན་གྱི་སྒོ་དཔག་ཏུ་མེད་པ་འབྱེད་པའི་བླ་མ། སྤྱིར་ཐོས་བསམ་རྒྱ་ཆེན་པོ་མ་མཛད་ཀྱང་ནང་ནས་སྒོམ་བྱུང་གི་ཤེས་རབ་མེ་ལྟར་འབར་པའི་བླ་མ། འཕྲལ་ཆོས་ལ་དམ་པ་ལྟར་སྣང་ཡང་སྒྲུབ་བརྒྱུད་ཕྱི་ཕྱིར་འཕེལ་པའི་བླ་མ། རྗེ་སྦས་པའི་རྒྱལ་པོ་མི་གཟུགས་ཅན་དེ་ལ་གསོལ་བ་འདེབས་སོ་ཞེས་གསུང་ངོ༌། ཆིག་བརྒྱུད་སྦས་པའི་བླ་མ་རྣམ་པ་གསུམ་གྱི་སྐབས་སོ། །
ཞི་བྱེད་བརྒྱུད་པ་ཕྱི་མའི་སྐབས།
གྲུབ་ཆེན་རྒྱལ་བ་ཏེ་ནེས་ཆོས་ཀྱི་བརྒྱུད་པ་ཡང་དག་པར་གཏད་པ་ནི་རོག་སྐུ་མཆེད་གཉིས་ཡིན་ཏེ། དེ་ཡང་བསྟན་པ་སྔ་དར་གྱི་དུས་སུ། རོག་