R908: དེབ་ཐེར་སྔོན་པོ།

« Title Page

Pagination (Witness A): 1155

Last Page »

[A:1155]ཕེབས་ནས་སྔགས་མཚན་ཉིད་ཀྱི་ཆོས་ཀྱི་འཁོར་ལོ་མང་དུ་བསྐོར། སྡེ་སྣོད་འཛིན་པ་ཉུང་རག་ཤིག་བསྡུས་ནས་དཀའ་བའི་གནས་རྣམས་ཀྱང་གཏན་ལ་ཕབ། ཟླ་བ་གཉིས་ལྷག་ཙམ་ཞིག་བཞུགས་ནས། སླར་དགེ་ལྡན་དུ་ཕེབས་ཏེ་ཕྱིའི་མཆོད་ཁང་དང་ནང་དུ་རིན་པོ་ཆེ་ལས་གྲུབ་པའི་སྔགས་ཀྱི་དཀྱིལ་འཁོར་ལེགས་པར་བཞེངས། ས་མོ་ཕག་གི་ལོ་ལ་སྟོད་ལུངས་ཀྱི་ཆབ་ཚན་ལ་ཐེགས། དེ་ནས་དཔལ་འབྲས་སྤུངས་ཀྱི་གཙུག

སྒྲིག་པ་པོའི་མཆན། དབུས་ཀུན་བདེ་གླིང་གི་ཤིང་བརྐོས་པར་མ་ལས། “བཙུན་གྱི་ལུང་བླངས་ནས་བཟླས་བསྙེན་མཛད་པ་ལས་རིང་པོར་མི་ཐོགས་པར་ཞལ་མངོན་སུམ་དུ་གཟིགས་ཏེ་་་་་་་་ཞེས་པ་ནས། དེ་ནས་དཔལ་འབྲས་སྤུངས་ཀྱི་གཙུག” ཞེས་པའི་བར་གྱི་དུམ་བུ་འདིར་ཨ་མདོ་མདོ་སྨད་ཆོས་གྲྭའི་ཤིང་པར་ལས་མི་འདྲ་བའི་དུམ་བུ་ཞིག་བྱུང་བ་འདི་ལྟར། “དེས་བླ་མ་སྟན་གཅིག་པ་གཞོན་ནུ་ཚུལ་ཁྲིམས་ལ་གནང༌། འདི་ལ་ཇོ་སྟན་ཐང་བ་ཞེས་ཀྱང་བྱ། དང་པོར་ཐང་སག་ཏུ་བྱོན་ནས་རབ་ཏུ་བྱུང༌། དབུ་མ་ཚིག་གསལ་བསླབས། དབུ་མ་འཇུག་པ། གསང་སྔགས་འཕགས་སྐོར་རྣམས་གྲིའི་ལུམ་པར་བསླབས། བླ་མ་ཐར་པ་བ། དཔྱལ་ལོ་ཙཱ་བ་ལ་མངོན་པ་གོང་འོག་དང༌། ཕར་ཚད་བསྡུས་གསུམ་དང༌། དུས་ཀྱི་འཁོར་ལོའི་སྒྲུབ་འགྲེལ་གདམས་པ་དང་བཅས་པ། ཕག་མོ་དཔྱལ་གྱི་ཆོས་དྲུག གཤེད་དམར་ལ་སོགས་པ་སྔགས་ཀྱི་རྒྱུད་སྒྲུབ་ཐབས་མང་དུ་གསན། དེ་ནས་ཇོ་སྟན་ཚོགས་པའི་གསེབ་ན་བཞུགས་ཀྱི་ཡོད་པ་ལ་གཅོང་གིས་ཐེབས་ནས་བླ་མ་