[A:1195]བ་ལ་གསུངས། དེས་སྐྱེས་མཆོག་ནམ་མཁའ་བཟང་པོ་ལ་གནང་བའོ། དོན་ཞགས་དང་དམར་ཁྲིད་ཟླ་རྒྱལ་ལུགས་ཀྱི་སྐབས་སོ། །
ལ་སྟོད་དམར་པོའི་སྐབས།
ལ་སྟོད་དམར་པོ་ལས་འོངས་པའི་ཐུགས་རྗེ་ཆེན་པོའི་ཆོས་སྐོར་ཇི་ལྟར་བྱུང་བ་ནི། སངས་རྒྱས་འོད་དཔག་མེད། མཁའ་འགྲོ་མ་གསང་བ་ཡེ་ཤེས། དེས་ལྭ་བ་པའམ་སྤྱོད་པ་བ། དེས་དུར་ཁྲོད་པའམ་བི་རུ་བ་ལ༌། དེས་རྡོ་རྗེ་གདན་པ་ཆེ་བ། དེས་ལ་སྟོད་དམར་པོ་ལ་གནང་བ་ཡིན་ཏེ། འཁྲུངས་ཡུལ་འུ་ཡུག ཡབ་སྒོམ་ཆེན་ལྷ་བརྟན་དང༌། ཡུམ་ཨར་མོ་སིང་ང་གཉིས་ཀྱི་སྲས་སུ་འཁྲུངས། གདུང་རམ་ཡིན། བྱིས་པའི་དུས་ཙ་ན་བྱིས་པ་དྲུག་གིས་ཁྱི་སྨྱོན་རྡོ་རུབ་ཀྱིས་བསད། དེའི་རོ་ལ་སྔགས་པ་ཧོམ་བྱེད་པའི་ལད་མོ་བྱས་ནས་བྲ་མའི་གསེབ་ཏུ་བསྲེགས་པས་ཀླུ་དང་ཐུག་ནས་བྱིས་པ་ཟླ་བོ་རྣམས་ལོ་དུས་སུ་ཤི། ཁོང་ལ་ཡང་བསྙུན་གྱིས་ཟིན། ཁུ་བོ་དགེ་བཤེས་གཅིག་གི་སར་མི་གཡོ་བའི་དམིགས་པའི་སྒོར་ཞུགས་བཟླས་པ་དུམ་རེ་བྱས་ཀྱང་ཡིད་མ་ཆེས། ཁུ་བོའི་ལད་མོ་བྱས་པས་ཁུ་བོ་ཡང་མ་དགྱེས། སློབ་དཔོན་དུ་གཉེན་ངན་བྱ་བ་ཡིན་པས་ཁྱོད་རང་གཞན་དུ་སོང་གསུང༌། ད་འོ་ན་ཤི་ཡང་རྒྱ་གར་དུ་འགྲོ་སྙམ་ནས་ཨ་ནེ་ཕྱུག་མོ་ཅིག་ལ་གཡུ་གང་དམར་རྐང་ཆོགས་བྱ་བ་ཡོད་པ་ཕ་སྤུན་མོ་ཅིག་བག་མ་ལ་འགྲོ་བའི་ཆས་ལ་གཡར་བ་སྐད་བྱས་ནས་གཡུ་དེ་སེ་བའི་དབྱུག་པ་