[A:1237]
དུམ་བུ་བཅོ་ལྔ་པ། ཚོགས་སྡེ་བཞི་སོགས་དགེ་འདུན་གྱི་སྡེ་ཇི་ལྟར་བྱུང་བ་དང༌། ཞུ་ལན། པར་དུ་བཞེངས་པའི་སྐབས།
ཁ་ཆེ་པཎ་ཆེན་དང༌། དེ་ལས་བརྒྱུད་པའི་སྡེ་བཞིའི་མཁན་བརྒྱུད་ཀྱི་སྐབས།
དེ་ལྟར་གངས་ཅན་གྱི་ཁྲོད་དུ་དམ་པའི་ཆོས་བྱུང་བའི་ཚུལ་རགས་པ་བཤད་ནས། ཆོས་དེ་ཉམས་སུ་ལེན་པའི་དགེ་འདུན་ནི། བོད་ཀྱི་འདུལ་བ་འཛིན་པ་ཐམས་ཅད་སྡེ་པ་གཞི་ཐམས་ཅད་ཡོད་པར་སྨྲ་བའི་ལུགས་གཅིག་པུ་ཡིན་ལ། དེ་ལ་ཡང་མཁན་ཆེན་ཞི་བ་འཚོའི་ལུགས་བླ་ཆེན་པོ་ནི་མས་བརྒྱུད་པ་དང༌། རྒྱ་གར་ཤར་ཕྱོགས་ཀྱི་པཎྜི་ཏ་དྷརྨ་པཱ་ལས་མངའ་རི་སུ་པཱ་ལ་རྣམ་གསུམ་ལ་སོགས་པ་རབ་ཏུ་བྱུང་ནས་ཡས་བརྒྱུད་པ་དང༌། ཁ་ཆེའི་པཎྜི་ཏ་ཤཱཀྱ་ཤྲཱི་ལས་བརྒྱུད་པ་སྡེ་གསུམ་དུ་ངེས་པ་ལས། དང་པོ་གཉིས་ནི་བརྗོད་ཟིན་ལ། དེ་ལ་མ་འོངས་པའི་སངསརྒྱས་གསུམ་པ་རབ་གསལ་དུ་འགྱུར་བ་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲའི་འཁྲུངས་པའི་ལོ་གང་ཡིན་པ་