[A:1261]རིའི་ངོས་ལ་གདན་དྲངས། གྲྭ་ཁང་ཆེན་མོ་བཞི་བཅུ་ཙམ་དང་ལྕགས་རི་ཆེན་མོ་ཡང་བརྩིགས། དེ་རྟིང་ཆུ་ཕོ་འབྲུག་གི་ལོ་ལ་ཆོས་སྡེ་སོ་སོ་ནས་འཆད་ཉན་མཛད་པའི་དགེ་འདུན་མང་དུ་གདན་དྲངས། ཆོས་འཆད་རྣམས་ལ་དེའི་རྐྱེན་གྱི་ས་ཞིང་དང༌། དགེ་འདུན་སྤྱི་ལ་ཟན་ཚུལ་དང༌། ཇ་ཚུལ་སྐྱོ་ཚུལ་རྣམས་བཙུགས། འཇམ་པའི་དབྱངས་ཤཱཀྱ་རྒྱལ་མཚན་དགུང་ལོ་བཅུ་གསུམ་ལོན་པ་ཞིག་གདན་སར་བཞག་ནས་བཀའ་པོད་བཞི་ལ་ཐུགས་བཤད་མཛད། ལོ་བཞིར་ཚོགས་པ་བསྐྱངས་ནས་དགུང་ལོ་ཉི་ཤུ་རྩ་དྲུག་རྫོགས་པ་ན་རྩེར་ཐེགས། དེ་ནས་རྒྱལ་སྲས་གྲགས་པ་རིན་ཆེན་པ་ས་མོ་གླང་གི་ལོ་པས་བཅུ་བདུན་བཞེས་པ་ཤིང་མོ་སྦྲུལ་ལ་གདན་སར་ཕེབས། བཅུ་དགུ་པ་མེ་མོ་ལུག་ལ་ཞི་བར་གཤེགས། དེ་རྗེས་སློབ་དཔོན་འཇམ་སྔོན་པས་ས་ཕོ་སྤྲེའུའི་ལོ་ལ་བླ་ཆོས་གསུངས། ལོ་དེའི་མཇུག་ཏུ་རིན་པོ་ཆེ་བསོད་ནམས་གྲགས་པ་ས་མོ་ཕག་ལ་འཁྲུངས་ནས། ལོ་བཅུ་བཞེས་པ་ཞིག་གདན་སར་ཕེབས་ནས། ལྕགས་སྤྲེའི་བར་གདན་ས་མཛད་ཅིང་ལྷ་སར་ཆོས་འཁོར་མཛད། ལྕགས་མོ་བྱ་ལ་རྩེར་ཐེགས། དེའི་ཤུལ་དུ་གྲགས་པ་རྒྱལ་མཚན་པ་ཤིང་ཕོ་སྟག་ལ་འཁྲུངས་ནས་ལོ་བརྒྱད་བཞེས་པ་ལྕགས་མོ་བྱ་ལ་གདན་སར་ཕེབས་ནས་རྣམ་འགྲེལ་གསུངས། དགུང་ལོ་བཅུ་གཉིས་པ་ཤིང་མོ་གླང་མ་རྫོགས་པ་ལ་རྩེར་ཐེགས། ཤིང་གླང་དེ་ལ་དྲུང་བྱང་རྡོ་རྗེ་བ་མེ་མོ་སྦྲུལ་ལ་འཁྲུངས་པའི་ལོ་དགུ་བཞེས་པ་ཞིག་གདན་སར་ཕེབས། དེ་ནས་ས་ཕོ་སྤྲེའུ་ལ་གཤེགས་པའི་བར་ལོ་བཞི་བཅུ་རྩ་བཞི་བཞུགས་ནས་དེའི་བར་གྲྭ་ས་དར་རྒྱས་དང་