[A:174]བྱས་ནས། སྒོམ་མ་འདི་འདྲ་ལ་བྱིན་རླབས་མི་ཞུ་སྙམ་ཙ་ན། ཐམས་ཅད་ཞུ་འདུག་པ་མཐོང་ནས། ཨ་མ་ཡང་ནན་ཏར་ཞུ་སྙིང་འདོད་པ་བྱུང་ནས་རང་འཐག་མཁན་མོ་དང་གཉིས་རྣལ་འབྱོར་མའི་དྲུང་དུ་ཕྱིན་ནས་བྱིན་རླབས་ཞུས་པས། རྣལ་འབྱོར་མ་དེ་ན་རེ། ཨ་མ་ལ། ཁྱོད་བླ་མ་སྐྱིལ་མཁར་བ་འདྲ་བ་ལ་དབང་ཐོབ། མགོ་ལ་ཅོད་པན་ཆོ་རེ་བྱས་ནས། ང་ལ་བྱིན་རླབས་ཞུ་ཅང་དགོས་སམ་ཟེར། དེར་ཨ་མ་སྐྱེངས་ཤིང་མོས་པར་བྱུང་ནས་ནན་གྱིས་ཞུས་པས་མཛད། དེ་ནས་རང་ཐག་མཁན་པོའི་ཆུང་མས་ཞུས་པས། མོ་ལ་ཅེ་རེ་བལྟས་ནས། ཁྱོད་ཀྱི་ཁྱོ་བོ་རང་ཐག་མཁན་པོས་དབུས་གཙང་རུ་བཞི་བསྐོར། གདོང་ཤ་མི་ལ་བྱིན། བྱིན་ཤ་ལ་ཁྱི་ལ་བྱིན་ནས། ཤ་ཐང་ཆད་དུ་བཙལ་བའི་ནས་ལ་ཁྱོད་ཀྱིས་ལྐོག་བསོག་བྱས་ནས། སྡིག་པ་དཔག་ཏུ་མེད། ཁྱོད་ལ་ཅི་ཡང་མི་བཏུབ་གསུང་པས། མོ་ལྕེ་ནར་གྱིས་བྱུང༌། ཨ་མས་དེ་ཙུག་བྱས་སམ་བྱས་པས། བྱས་ཟེར། དེའི་སྡིག་ཇི་ལྟར་བྱས་ན་འབྱང་ཞུས་པས། རྣལ་འབྱོར་མའི་ཞལ་ནས། ཁྱོད་ལ་དཔག་ན་ནས་ཁལ་བཞི་བཅུ་ཙམ་འདུག་པ་དེ། བླ་མ་བཟང་པོ་ཅིག་ལ་ཕུལ་ལ་ཆོས་འཁོར་ཚུགས། དེ་ནས་ཁྱོད་རང་ཁོས་ཅི་ཟེར་ལ་ཉོན་ལ་གཡོག་གྱིས། དེ་ལྟར་བྱས་ན་དགའ་རབ་འོང་གི། དེ་མིན་ན་ཁྱོད་ལ་སྐྱིད་པོ་མི་ཡོང་གསུང༌། ཡང་ཨ་མ་ལ། ཁྱོད་མིང་པོ་དམ་པ་སེ་སྦྲག་པ་འདས་པ་ལ་མྱ་ངན་དེ་ཙམ་བྱ་མི་དགོས། ཁོང་རྒྱ་གར་རྒྱལ་པོའི་བཙུན་མོ་འདི་སྐད་བྱ་བའི་མངལ་ན་ཞུགས་ཡོད། སྐྱེས་ནས་ཆོས་རྒྱལ་ཆེན་པོ་འགྲོ་བའི་དོན་