[A:181]བྱེད་པ་ཞིག་ལ། བུ་བརྒྱད་བུ་མོ་གཉིས་སྟེ་བཅུ་ཐམ་པ་ཡོད། བུ་བརྒྱད་ཀྱི་ཆུང་ཤོས་རྟ་སྟོན་ཇོ་འབུམ། དེའི་བུ་ཇོ་ཡེས་སོ། ཇོ་འབུམ་གྱིས་ཆུང་དུས་སུ། གཟད་ཀྱི་གྲུབ་བུ་ལུང་པའི་བླ་མ་མདའ་བྱང་ཆུབ་སེམས་དཔའི་སྤྱན་སྔར། པོ་ཏོ་བའི་བཀའ་གདམས་ཀྱི་ཆོས་རྣམས་གསན། དེ་ནས་རང་ཡུལ་དུ་བཞུགས་ཏེ། འཁོར་འབངས་དང་ཡུལ་གཞིས་ཤིན་ཏུ་འཛོམས་པར་ཡོད་པ་དེ་དག་ལ་སྐྱོ་བ་སྐྱེས་ཞེན་པ་ལོག་ནས། གཡོག་བཞི་ཁྲིད་དེ་ལྷ་རྗེ་གླན་ཉ་ཚལ་བའི་ཐུགས་སྲས་གཉོས་ཆུ་བོ་རི་པའི་སྤྱན་སྔར་བྱོན་ཏེ། དཔོན་གཡོག་ལྔས་སྟབས་གཅིག་ཏུ་ཆོས་སྒོར་ཞུགས་ནས། སྔགས་རྙིང་མའི་ཆོས་མང་དུ་གསན། ཁྱད་པར་དུ་རྫོགས་ཆེན་སྐོར་ལུགས་གཞུང་གདམས་ངག་དང་བཅས་པ་ལ་ཤིན་ཏུ་མཁས་པར་གྱུར། བླ་མ་ཕག་མོ་གྲུ་པའི་སྤྱན་སྔར་བྱོན་ནས་ལམ་འབྲས་དང་ཕྱག་རྒྱ་ཆེན་པོའི་གདམས་པ་མ་ལུས་པ་གསན། གཞན་ཡང་དབུ་རུ་སྟོད་ཀྱི་བླ་མ་འཚར་སྟོན་ལ་ཕྱག་རྒྱ་ཆེན་པོ་སྒང་ལུགས་ཀྱི་དོ་ཧ་སྐོར་གསུམ་ཉན། ཟངས་རི་འབྲོ་རས་ལ་ལོ་རོ་རས་ཆུང་པའི་ཆོས་སྐོར་རྣམས་གསན། ནང་སྟོན་མགོན་པོ་ལ་རྣམ་འཇོམས་དང་ཕུར་པ་གསན། དམར་སྟོན་འཇམ་ལ་བདེ་མཆོག་གསན། བདེ་མཆོག་གི་དབང་བརྒྱ་རྩ་བརྒྱད་ཞུས། དེ་ལྟར་བླ་མ་མང་དུ་བསྟེན་ཀྱང༌། གཉོས་ཆུ་བོ་རི་བ་དང༌། ཕག་མོ་གྲུ་པ་ལ་རྩ་བའི་བླ་མར་འཛིན། གསན་པ་ཐུགས་ཐག་ཆོད་པ་དང་ཆུ་བོ་རི་ལ་བཞུགས་ཏེ་སྒྲུབ་པ་མཛད། གདུལ་བྱའི་ཚོགས་ཀྱང་མང་དུ་འདུས་ཏེ། གཞན་དོན་རྒྱ་ཆེར་བསྐྱངས། དེ་ལ་སྲས་རྟ་སྟོན་ཇོ་