[A:196]མཉམ་མེད་པ་ལ་སྲས་ལྔ་འཁྲུངས་པའི་ཆེ་ཤོས་སྨན་ལུང་པ་ཤཱཀྱ་འོད་དམ། གསང་མཚན་མི་བསྐྱོད་རྡོ་རྗེ་ཞེས་གྲགས་པ་དེས་མདོ་སྒྱུ་འཕྲུལ་སྐོར་རྣmཔ་དེས་མདོ་སྒྱུ་འཕྲུལ་སྐོར་རྣམས་མཁས་པར་བསླབས། དུས་ཕྱིས་གླན་རྡོ་རྗེ་འོད་པོའི་སྲས་གླན་མཁས་པ་བསོད་རྒྱལ་ལ་ཡང་གསན་ནས། གསང་བ་སྙིང་པོའི་ཁོག་དབུབ་དང༌། ཊི་ཀ་དང་རྒྱུད་དོན་རྣམ་ངེས་ལ་སོགས་པའི་ཡིག་ཆ་མང་དུ་མཛད། འདི་ལ་དྭགས་པོའི་སངས་རྒྱས་གོང་ལ་བས་གསན་ནས། རྗེས་དྭགས་པོ་ཉིད་དུའང་སློབ་མ་བླ་མ་གཉན་ལ་སོགས་པ་མང་དུ་ཐོན་ཞིང༌། གོན་གྱོ་བདག་པོའི་བླ་མར་གྱུར་ཏེ་ཁམས་སུ་ཤིན་ཏུ་དར་བར་མཛད་དོ།
(Chengdu 196, R 155)
སྨན་ལུང་པ་ལ་ཡར་ཀླུངས་སྤྲུལ་སྐུའི་སྲས་རིན་པོ་ཆེ་ཤཱཀ་འབུམ་པས་གསང་བ་སྙིང་པོའི་བཤད་པ་མཁས་པར་བསླབས། དེ་ལ་མཁས་གྲུབ་ཆོས་དཔལ་ཡབ་སྲས་གཉིས་ཀྱིས་ཀྱང་གསང་སྙིང་གི་བཤད་པ་ལེགས་པར་གསན། ཡང་སྤྱི་ཆོས་ཀྱི་སེང་གེའི་གདན་ས་རྒྱ་ཡེ་ཤེས་མགོན་པོས་ཀྱང༌། སྐྱི་དང་གླན་བསོད་རྒྱལ་གཉིས་ཀ་ལ་གཏུགས་ནས་མདོ་དང་སྒྱུ་འཕྲུལ་མཁས་པར་མཁྱེན། དེ་ལ་དབོན་པོ་དཔལ་ལྡན་རྡོ་རྗེ་རྒྱལ་མཚན་གྱིས་དང་པོ་གསང་ཕུར་བྱོན་ནས་ཚད་མ་རྣམ་ངེས་མཁས་པར་བསླབས། ཕྱིས་རྒྱ་ཡེ་ཤེས་མགོན་པོ་ལ་མདོ་དང་སྒྱུ་འཕྲུལ་སོགས་ལེགས་པར་བསླབས་ཤིང༌། གསང་བ་སྙིང་པོའི་འགྲེལ་པ་བར་ཁབ་ཉིད་གཞུང་དུ་བྱས་པའི་ཊི་ཀ་དབང་གི་ཆོ་ག་ལ་སོགས་པ་མཛད། དེས་ཁོང་རང་གི་དབོན་པོ་བླ་མ་ཚུལ་རྒྱལ་བ་ལ་གསུངས། དེ་ལ་རི་གདོང་བ་ཤེས་རབ་རྒྱལ་མཚན་གྱིས་གསན་ཞིང༌། འདིས་དྭགས་པོར་བྱོན་ནས་ཀུ་རབ་པ་