[A:198]པོ་རྣམས་ལ་བརྒྱུད་པའོ།
Māyā
rog shes rab ‘od (Chengdu 197, R 156)
གཞན་ཡང་མདོ་དང་སྒྱུ་འཕྲུལ་གྱི་བཤད་པའི་བཀའ་ནི། རོག་ཤེས་རབ་འོད་ཀྱིས་བླ་མ་མང་པོ་ལས་ལུགས་ཐ་དད་པ་མང་བར་གསན་ཏེ། དང་པོར་རོག་སྟོན་བཙན་པོ་ལ་སོ་ལུགས་ཀྱི་མདོ་དང་སྒྱུ་འཕྲུལ་དང་སེམས་ཕྱོགས་རྣམས་གསན། ལྷབ་ཀྱི་དྲེས་མ་གོང་པ་ལ་མདོ་དང་སྒྱུ་འཕྲུལ་སྐྱོ་ལུགས་གསན། ལྷབ་ཀྱི་ཟུར་ཆོས་པ་སློབ་དཔོན་ཡམ་ཤུད་དངོས་གྲུབ་ལ་མདོ་དང་སྒྱུ་འཕྲུལ་ཟུར་ལུགས་གསན་ཏེ། སྒྲོ་སྦུག་པའི་སློབ་མ་སྣུབས་སྟོན། དེས་ཁ་རག་སྙིང་པོ། དེས་ཡུམ་ཤུད། ཡང་ན་ཁ་རག་སྙིང་པོས་སྲས་པདྨ་འབར། དེས་ཤེས་རབ་འོད། སོ་དར་མ་སེང་གེ་ལ་མདོ་སྒྱུ་འཕྲུལ་ཚན་མངས་གསན་ཏེ། ཆུ་བར་གྱིས་གླན་ཤཱཀྱ་བཟང་པོ། དེས་སྲས་གླན་ཇོ་བཙུན་སང་ངེ༌། དེས་སོ་དར་མ་སྙིང་པོ། དེས་སོ་དར་མ་སེང་གེའོ། ལྷ་རྗེ་ཉ་རི་བའི་སློབ་མ་མྱང་ནག་མདོ་བོ་ལའང་མདོ་དང་སྒྱུ་འཕྲུལ་གསན། སྒྱུ་འཕྲུལ་གྱི་གཞི་ལམ་འབྲས་བུ་གསུམ་གྱི་སྟོང་ཐུན་དང༌། ལམ་རྣམ་བཀོད་ཀྱི་ཊི་ཀ་བརྩམས། དེས་སྙེ་མདོ་ཐམས་ཅད་མཁྱེན་པ་ལ་གསུངས་ཤིང༌། དེས་ཀྱང་གསང་བ་སྙིང་པོ་ལ་ཊི་ཀ་དང༌། ལམ་རྣམས་བཀོད་ལ་མཆན་ཞིབ་པར་མཛད་དེ། དེ་དག་ལ་སོགས་པ་རོག་ལ་གདུང་བརྒྱུད་རྣམས་ལ་དབང་དང་རྒྱུད་ཀྱི་བཤད་པ་ནི་ཤིན་ཏུ་དར་བ་བྱུང་ངོ༌།
དན་བག་ཏུ་ཡང་སྒྱུ་འཕྲུལ་གྱི་བཤད་པ་རིམ་པར་བྱུང་ཞིང༌། ཀློང་ཆེན་རབ་འབྱམས་ཀྱིས་ཀྱང་དེར་གསན་པ་མཛད་ནས། གསང་བ་སྙིང་པོའི་