[A:226]དེ་ནས་དབུ་རུར་བྱོན་ནས། ཁམ་པ་ལུང་པ་ལ་ཐུན་བརྒྱད་མ། སྣེའུ་ཟུར་པའི་སློབ་མ་ཞིག་ལ་དམིགས་པ་སྐོར་གསུམ་དང༌། ཚོགས་བདག་གི་སྒྲུབ་ཐབས་དང༌། ནད་སེལ་གྱི་གདམས་པ་རྣམས་ཞུས། ཡང་ཕུག་པོ་ཆེར་བྱོན་པས་སྦ་སྒོམ་གྱིས་བདུད་རྩིའི་བཅུད་ལེན་དང༌། རྡོ་རྗེ་ཟམ་པའི་སྒྲུབ་སྡེ་རྣམས་གནང༌། སྤྱན་སྔ་རྣལ་འབྱོར་པའི་གྲྭ་ས་རུ་སྤྱོད་པ་བྱས་པས་ཤིན་ཏུ་མཉེས། ཤོང་བུ་ལོ་ཙཱ་བ་ལ་འགྲེལ་ཆུང་ཉན། དགེ་བཤེས་དགྲོལ་སྒོམ་ལ་ནཱ་རོ་པའི་ཐབས་ལམ་ཞུས། རྡོ་རྗེ་ཟམ་པ་ཕར་ལ་བཤད། ལྷ་རྗེ་སྙིང་སྒོམ་ལ་ཆོས་དྲུག་དང་སྐྱེས་སྦྱོར་ཞུས། རྟོགས་པ་བསྡུར་བས་ཤིན་ཏུ་མཉེས། སོ་བསྙུན་གདངས་པ་སྒྲོན་སྤྲུལ་དང་རྒྱབ་ཤ་ཞུས། རྫ་བོར་བ་ལ་བདུད་རྩི་ཐིགས་གསུམ། རི་ཁྲོད་རླུང་ཆུང་ལ་རྣ་བརྒྱུད་ཚིག་གསུམ། བླ་མ་རླུང་དམ་པ་ཆེན་པོ་ལ་དོ་ཧའི་གདམས་ངག ལབས་སྒྲོན་ལ་གཅོད་ཡུལ། རྒྱལ་བ་སྦོ་སྟོན་ལ་ལྷུན་གྲུབ་སྡེ་སྐོར་བདུན་པ། སྣུབས་ཤངས་པོ་ཆེ་ལ་བ་རི་ལོ་ཙཱ་བའི་ཀྲྀ་ཡའི་ཆོས་ལྔ་གསུམ་བཅོ་ལྔ་པ་ཞུས། ལ་སྟོད་དུ་བྱང་ཆུབ་སེམས་དཔའ་ཀུན་དགའ་ལ་གདམས་པ་ཁ་ཡར་དང༌། ཨ་བ་རཱ་ཛི་ཏའི་སྒྲུབ་ཐབས་ཞུས། གྲོགས་མཆེད་ཨ་ཙར་སྟག་ཤམ་ཅན་དང༌། བླ་མ་དབུ་ལྟེབས་དང༌། བླ་མ་ཐུད་ཁ་འབར། བླ་མ་དྲོད་འབྱོར། ཞང་འབྲོ་སྙོན་ལ་སོགས་པ་དེ་ཙ་ནའི་རྣལ་འབྱོར་པ་བཟང་པོ་ཤ་སྟག་དང་འགྲོགས། གཙང་དུ་གཅེར་བུ་ལོ་ལྔ་བྱས། འཁྱག་པའི་ནང་དུ་མཆོང་བ་དང༌། ཆུར་མཆོང་བ་དང༌། གཡང་ལ་མཆོང་བ་དང༌། མགོ་བརྡེག་