[A:285]འབྱོར་པ་སྤྱོད་པ་བྱེད་པ་ལ། གླང་པོ་ཆེ་གཅིག་ལ་བུ་མོ་རུས་པའི་རྒྱན་ཅན་བཅུ་དྲུག་ཞོན། རྣལ་འབྱོར་པ་དེ་རང་རུས་པའི་རྒྱན་ཅན། ཀྲྀ་ཥྞ་ས་རའི་ལྤགས་པ་གདན་དུ་བཏིང་བ་ཞིག་གཟིགས། གསུམ་པ་ནི། ཡ་འགལ་དུ་རྒྱལ་པོ་ཞིག་གིས་དམག་དྲངས་བྱུང་བ་ལ། རྣལ་འབྱོར་པ་ཞིག་གིས་ས་ལ་རི་མོ་བྱས་པས། དེ་ལས་འདའ་མ་ནུས་པར་དམག་ཐམས་ཅད་ཕྱིར་ལོག་རྣལ་འབྱོར་པ་དེ་རྒྱལ་པོས་སྤྱན་དྲངས་ནས་ཁྲི་ལ་བཞུགས་པའི་སྟེང་དུ་གདུགས་རང་འཁོར་གཅིག་གཟིགས། བཞི་པ་ནི། ནཱ་རོ་པའི་སློབ་མ་མེཉྫ་གླིང་པས་ལྟ་བའི་ཕྱིར་རྒྱ་གར་དུ་འགྲོ་འདོད་པ་ལ་ཛ་ཡ་སེ་ནའི་གསུང་གིས། མེཛྙ་གླིང་པ་གནས་དེ་ན་མི་བཞུགས། ཁྱོད་ལ་སྔར་གཡོན་འགལ་མི་རྣམས་ཀྱིས་ཀྱང་འབོད་དུ་འོང༌། ལོ་གསར་བ་འདི་ལ་རྒྱལ་པོ་སྡེ་བཞིའི་མཆོད་གནས། ཕྱི་ནང་གི་རྩོད་པ་དང་ནུས་པ་དང་གྲུབ་རྟགས་འགྲན་པའི་ལྟད་མོ་ཆེན་པོ་འོང་བས། དེ་ལྟོས་གསུང་བ་བཞིན་ལོ་གསར་གྱི་ཉ་ལ་ཕྱི་རོལ་པའི་རལ་པ་ཅན་ཉིས་སྟོང༌། ནང་པའི་པནྚི་ཏ་དང་རྣལ་འབྱོར་པ་ཉིས་སྟོང༌། རྒྱལ་པོ་སྡེ་བཞིའི་དཔུང་ཡང་བརྒྱད་ཁྲི་འཚོགས། དང་པོ་ཕྱི་རོལ་པའི་པནྚི་ཏ་ཀཱ་ལ་རཱ་ཏྲི་ཏ་བྱ་བ་དང༌། ནང་པའི་པནྚི་ཏ་ཛ་ཡ་སེ་ན་ཁང་གསར་བས་བརྩད་པས། ནང་པ་རྒྱལ་ཏེ་མཚན་ཡང་རྒྱལ་བའི་སྡེར་གྲགས། མུ་སྟེགས་ཀྱི་རྣལ་འབྱོར་པ་གུ་ལང་དབང་ཕྱུག་གི་གྲུབ་པ་ཐོབ་པ་ཞིག་གིས། མི་ཐམས་ཅད་ལ་སྔགས་བཏབ་པས་སྨྱོར་འཇུག་པ་ཞིག་དང༌། བླ་མ་ཨ་ཏུ་ལ་བཛྲ་གྱིས་གྲུབ་རྟགས་འགྲན་པས། དུག་སྔགས་བཏབ་ཚད་ཁོང་རང་གི་