[A:37]ལྡན་འདས། དེའི་བུ་སྒྲ་གཅན་ཟིན་ཞེས་འབྱུང་ངོ༌། དེ་ལ་མང་པོས་བཀུར་བ་ནས་ཟས་གཙང་ཡན་དུ་རྒྱལ་པོ་འབུམ་ཕྲག་བརྒྱད། སུམ་ཁྲི་བཞི་སྟོང་ལྔ་བརྒྱ་སུམ་ཅུ་རྩ་བཞི་ཡོད་དོ། མང་པོས་བཀུར་བའི་གདུང་རབས་ཀྱི་སྐབས་སོ། །
སངས་རྒྱས་ཀྱི་མཛད་པའི་སྐབས།
འདིར་གདགས་པར་འདུལ་བ་ལས་འབྱུང་བའི་རྒྱལ་པོའི་རབས་ཀྱི། སངས་རྒྱས་འོད་སྲུངས་དང་རྒྱལ་པོ་ཀྲྀ་ཀི་དུས་མཉམ་དུ་བྱུང་བའི་སྐབས་སུ་སངས་རྒྱས་འོད་སྲུངས་འཇིག་རྟེན་དུ་བྱུང་སྟེ། དེར་བྱང་ཆུབ་སེམས་དཔས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུངས་ལ་མ་འོངས་པའི་དུས་ན་བྱང་ཆུབ་ཐོབ་པར་བྱ་བའི་ཕྱིར་སྨོན་ལམ་བཏབ་ཅིང༌། ཚངས་པར་སྤྱོད་པ་སྤྱད་ནས་དགའ་ལྡན་གྱི་ལྷའི་རིས་སུ་སྐྱེས་ཏེ། དེ་དེ་ན་ཚེའི་ཚད་ཇི་སྲིད་པ་དེ་སྲིད་དུ་གནས་སོ་ཞེས་དགའ་ལྡན་པའི་ཚེའི་ཚད་དུ་གནས་པར་བཤད་ལ། རྒྱུ་གདགས་པ་ལས་ཀྱང༌། དགའ་ལྡན་པའི་ཚེའི་ཚད་ལོ་བྱེ་བ་ཕྲག་ལྔ་བཅུ་རྩ་བདུན་དང་ས་ཡ་དྲུག་ཏུ་གནས་པར་བཤད་དེ། དེ་དག་རྫོགས་ནས་བྱང་ཆུབ་སེམས་དཔས། རིགས་དང་ཡུལ་དང་དུས་དང་རྒྱུད་དང་བུད་མེད་དེ་གཟིགས་པ་ལྔ་ལ་གཟིགས་ཏེ། འདོད་པ་ན་སྤྱོད་པའི་ལྷའི་རིས་དྲུག་ལ། ཁོ་བོ་ཛམྦུའི་གླིང་དུ་སྒྱུ་འཕྲུལ་ཆེན་མོའི་ལྷུམས་སུ་ཉིང་མཚམས་སྦྱར་ནས་བདུད་རྩི་རྟོགས་པར་བྱེད་དེ། ཁྱེད་ཅག་ལས་སུ་བདུད་