[A:43]གཉིས་པ་བཻ་རཉྫའི་གྲོང་དུའོ། །བཅུ་གསུམ་པ་མཆོད་རྟེན་གྱི་རི་ལའོ། །བཅུ་བཞི་རྒྱལ་པོ་ཛི་ཏ་བ་ནའི་ལྷ་ཁང་དུའོ། །བཅོ་ལྔ་པ་ཀ་པི་ལ་བསྟུ་ཤིང་ནྱ་གྲོ་དྷའི་ཀུན་དགའ་ར་བར་རོ། །བཅུ་དྲུག་པ་ཨ་ཊ་བ་གར་རོ། །བཅུ་བདུན་པ་རྒྱལ་པོའི་ཁབ་ཏུའོ། །བཅོ་བརྒྱད་པ་ཛྭ་ལི་ནིའི་བྲག་ཕུག་ཏུའོ། །ཡང་བཅུ་དགུ་པ་ཛྭ་ལི་ནིའི་བྲག་ཕུག་ཏུའོ། །ཉི་ཤུ་པ་རྒྱལ་པོའི་ཁབ་ཏུའོ། །དབྱར་གནས་བཞི་ནི། གཉན་ཡོད་ཤར་ཕྱོགས་མ་མོ་མྲྀ་ག་རིའི་ཀུན་དགའ་ར་བར་རོ། །གྲོང་ཁྱེར་མཉན་ཡོད་དུ་ལོ་ཉི་ཤུ་ཉེར་གཅིག་དབྱར་གནས་མཛད་དོ་ཞེས་འཕགས་པ་གནས་བརྟན་པ་འདོད་དོ། ཞེས་འབྱུང་ངོ༌། མཐར་གྱད་ཀྱི་ཡུལ་རྩྭ་མཆོག་གི་གནས་ཤིང་ས་ལ་ཟུང་གི་གནས་སུ་མྱ་ངན་ལས་འདའ་བར་མཛད་དེ། དེའི་ལོ་ནི་ཆུ་མོ་བྱའོ་ཞེས་ཁོ་བོ་འདོད་དོ། སྤྱིར་ན་སྟོན་པའི་འཁྲུངས་པ་དང་མྱ་ངན་ལས་འདསབ་པའི་ལོ་ལ། མཁས་པ་རྣམས་ལ་བཞེད་པ་མི་འདྲབ་མང་བར་གནས་སོ། སངས་རྒྱས་ཀྱི་མཛད་པའི་སྐབས་སོ། །
བསྟན་པའི་གཏད་རབས་ཀྱི་སྐབས། །
མྱ་ངན་ལས་འདས་ཏེ་རྒྱལ་པོའི་ཁབ་ཏུ་བཀའ་བསྡུ་བ་མཛད་དེ། དེ་ཡང་སྟོན་པའི་གཏད་རབས་ནི། ཐུབ་པ་ཆེན་པོས་འོད་སྲུངས་ལ། དེས་ཀུན་དགའ་བོ་ལ། དེས་ཤ་ནའི་གོས་ཅན་ལ། །དེས་ཉེར་སྦས་ལ།