[A:55]འགྲོ་བའི་བླ་མ་དེའི། སྔོན་གྱི་ཕྲིན་ལས་ཉེས་པ་ཡིན། ཞེས་བཤད་ལ། དགེ་ཚུལ་གྱི་ལོ་དྲི་བ་པནྚི་ཏ་ནཱ་ར་ཡཱ་ན་དེ་བ་དང་ཞང་ཞུང་བ་རྒྱལ་བའི་ཤེས་རབ་ཀྱིས་བསྒྱུར་བ་ལས་ནི། ས་སྲུངས་པ་ལ་ས་སྟོན་དང༌། ནུབ་ཀྱི་རི་བོ་པ་ལ་བྱང་གི་རི་པ་དང༌། གངས་གནས་པ་ལ་དབུས་པ་དང༌། ཀུ་རུ་ཀུ་ལླ་པ་ལ་ས་སྒྲོགས་རིས་ཞེས་འདོན་ཏེ། །ལོ་དྲི་བ་གཉིས་པོ་མཛད་པ་པོ་གཅིག་པས་གཅིག་ཏུ་འོང་དགོས་ནའང༌། །དཔེ་མི་འདྲ་བ་ལས་ཡིན་ནམ་སྙམ་མོ། །འོ་ན་སྡེ་པ་བཅོ་བརྒྱད་པོ་ཐམས་ཅད་རྒྱལ་པོ་ཀྲྀ་ཀྲིའི་རྨི་ལམ་ལུང་བསྟན་པ་ལས། སངས་རྒྱས་ཀྱི་བསྟན་པ་ནི་བསྡུས་ལ་སྡེ་པ་རྣམས་ལ་བསྙེན་པར་རྫོགས་པའི་ཆོ་གའི་ཚིག་ཤིན་ཏུ་མི་འདྲ་བ་ཡོད་ན། ཆོ་ག་དེ་དག་ཐམས་ཅད་ལས་སྡོམ་པ་སྐྱེ་རུང་ན། སྟོན་པ་ཉིད་ཀྱིས་ཆོ་ག་མི་འདྲ་བ་དག་གསུངས་པ་ཡིན་ནམ། ཕྱིས་ཀྱི་སློབ་དཔོན་སོ་སོས་ཆོ་ག་མི་འདྲ་བ་དག་བྱས་པ་ཡིན། སྟོན་པ་ཉིད་ཀྱིས་གསུངས་ན་ནི་དང་པོ་ནས་སྡེ་པ་གྱེས་པར་འགྱུར་ལ། ཕྱིས་སློབ་དཔོན་སོ་སོས་བྱས་ན་ནི་ཆོ་ག་དེ་ལས་བསྙེན་པར་རྫོགས་པའི་སྡོམ་པ་ཇི་ལྟར་སྐྱེ་ཞེ་ན། འདིར་དེ་ལྟར་དཔྱད་པར་བྱ་བ་ནི་འོས་མོད་ཀྱི། སྟོན་པ་ཉིད་ཀྱིས་དངོས་སུ་གསུངས་པ་མ་ཡིན་པས་དང་པོ་ནས་གྱེས་པར་མི་འགྱུར་ལ། ཕྱིས་སློབ་དཔོན་སོ་སོས་བྱས་པ་དག་ཀྱང་སྟོན་པའི་དགོངས་པ་དང་མི་འགལ་བས། ཆོ་ག་དེ་རྣམས་ལས་ཀྱང་བསྙེན་པར་རྫོགས་པའི་སྡོམ་པ་འཐོབ་བོ་ཞེས་བྱ་བ་ནི་མཁས་པ་དག་གི་བཞེད་པ་ཡིན་པར་འདོད་དེ། འོད་ལྡན་ལས་ཀྱང༌། སངས་རྒྱས་ཀྱི་བསྟན་པ་ནི་