[A:63]རྨལ། དེའི་བུ་བར་བཏབ་རྨལ། དེས་ཡ་ཚེའི་རྒྱལ་བརྒྱུད་ཆད། ཁྲི་བཀྲ་ཤིས་བརྩེགས་པ་དཔལ་ལ་སྲས་དཔལ་ལྡེ་འོད་ལྡེ་སྐྱིད་ལྡེ་གསུམ། བར་པ་འོད་ལྡེ་ལ་སྲས་བཞི་ལས་གསུམ་པ་ཁྲི་ཆུང༌། དེའི་སྲས་འོད་སྐྱིད་འབར། དེ་ལ་སྲས་བདུན་ལས་གཡུ་ཅན། དེའི་སྲས་ཇོ་དགའ། དེ་ལ་སྲས་གསུམ་ལས་བར་པ་དར་མ། དེ་ལ་སྲས་བཞི་ལས་ཇོ་བོ་རྣལ་འབྱོར། དེ་ལ་སྲས་གསུམ་ལས་ཆེ་བ་ཇོ་འབག །དེ་ལ་སྲས་ལྔ་ལས་ཆེ་བ་ཇོ་བོ་ཤཱཀྱ་མགོན། དེའི་སྲས་ཇོ་བོ་ཤཱཀྱ་བཀྲ་ཤིས། དེ་ལ་སྲས་གཉིས་ལས་ཆུང་བ་མངའ་བདག་གྲགས་པ་རིན་ཆེན། དེ་ལ་སྲས་བཞི་ལས་གཉིས་པ་ཤཱཀྱ་མགོན། དེའི་སྲས་ཆོས་རྗེ་བཙན་པོ་ཤཱཀྱ་རིན་ཆེན་ལྡེའོ། །བརྒྱུད་པ་དེ་རྣམས་ལས་དར་མ་མ་གཏོགས། །སྲོང་བཙན་མན་ཆད་ཐམས་ཅད་ཀྱིས་དཀོན་མཆོག་གསུམ་ལ་བླ་མར་མཛད་དོ། །བོད་ཀྱི་རྒྱལ་རབས་ཀྱི་སྐབ་སོ།། །།
ཆོས་རྒྱལ་མེས་དབོན་རྣམས་ཀྱིས་བསྟན་པ་གཙུགས་པའི་སྐབས།
ལྷ་ཐོ་ཐོ་རི་གཉན་བཙན་གྱི་རིང་ལ་ཙནྟ་མ་ཎིའི་གཟུངས་དང༌། སྤང་བཀོང་ཕྱག་བརྒྱ་པ་ལ་སོགས་པ་ནམ་མཁའ་ནས་བབས་ཤིང༌། མཆོད་པ་བྱས་པས། སྲིད་དང་རྒྱལ་པོའི་ཚེ་འཕེལ་ཏེ། དམ་པ་ཆོས་ཀྱི་དབུ་བརྙེས་ཡིན་ཞེས་གྲགས་པ་ལ། ནེལ་པ་པནྚི་ཏ་ན་རེ། བོན་པོ་ནམ་མཁའ་