[A:782]དང༌། རྩིག་པ་ལ་ཐོགས་པ་མེད་པ། ཉོན་མོངས་པའི་གཡུལ་ལས་རྒྱལ་བ་སོགས་བཤད་ཚོད་དང་མཐུན་པར་བྱུང་ནས་བླ་མ་ལ་ཞུས་པས། རྗེ་བཙུན་མི་ལ་ལའང་འདི་ལྟར་བྱུང་བ་ཡིན། ངོ་མཚར་ཆེ་གསུང༌། སྤྱིར་སྣ་ཕུར་ལོ་ལྔ་བཞུགས་རིང་ལ་གདམས་ངག་ཐམས་ཅད་ཚར། དོན་ཁྲིད་ཚར་ནས་ཉམས་སུ་མྱོང༌། ཞར་ཆོས་གསུངས། གྲོས་འདུན་དང་སྤྱི་ལས་མ་ཆག སློབ་དཔོན་རྔོག་པ་ཡབ་མཆེད་གཉིས་ལ་གུར་བརྟག་དང༌། མ་ཧཱ་མཱ་ཡཱ་དང༌། མཚན་བརྗོད་རྣམས་ཕྱག་ལེན་དང་བཅས་པ་གསན། རྗེ་སྣ་ཕུ་པའི་བསྟན་བཅོས་ཚར་གཅིག་ཡི་གེར་བཀོད། མཆེད་གྲོགས་སྙོམས་ཆུང་རྣམས་ཀྱི་དཔེ་འབྲི་བ་རྣམས་འཁྲོབས་པར་མཛད། དེ་ནས་གཞན་དུ་སྒོམ་དུ་འགྲོ་བར་ཞུས་པས། མ་འགྲོ་བར་ངའི་སྣ་ཕུ་གཟུང་གསུང་བ་དང༌། འབྲུག་འཛིན་པའི་ལུང་བསྟན་ཡང་བྱུང༌། བླ་མའི་གསུང་གིས་ད་བསྐལ་བཟང་ལ་བརྟེན་ལ་ཐབས་ལམ་སྦྱོངས་གསུང༌། སྐལ་བཟང་གི་དྲུང་དུ་བྱོན་ནས་བླ་མས་བཀའ་འདི་སྐད་གནང་བྱས་པས། སྐལ་བཟང་ན་རེ། ངས་དང་ཁྱེད་ཀྱི་ཞབས་ཏོག་བསྒྲུབས་པས་ཆོག་སྟེ། ང་ལ་ཁྱེད་ལ་བརྟེན་པའི་རྨི་ལམ་བཟང་པོ་མང་པོ་བྱུང༌། ཁྱེད་རང་རབ་ཏུ་བྱུང་བ་མཛོད་ལ་འགྲོ་དོན་སྐྱོང་བ་འཐད། ངེད་རང་གི་བླ་མ་འདིའང་ཆུ་བོ་གངྒཱ་ཚུན་ན་རྟོགས་པ་མཐོ་བ་ཅིག་ཡིན་ཏེ། ཕོ་རང་དུ་འདུས་པ་འདི་ང་ལ་སོགས་པ་ཡོད་པས་ཡིན་མོད་གསུང༌། དོད་ཀྱིས་མཁར་ཆུར་སྒོམ་དུ་འགྲོ་བར་ཞུས་པས། གནང་ནས་དོལ་མདར་མར་མ་གསེར་སྟེངས་སུ་བྱོན་ནས་རྩམ་པ་བླངས་པས།