[A:789]རྣལ་འབྱོར་དང་ཡུམ་མེ་གཟའ་སྐྱིད་དེ་ཞེས་བྱ་བ་གཉིས་ལ་སྲས་མེད་ནས། ཇོ་བོ་ཐུགས་རྗེ་ཆེན་པོའི་དྲུང་དུ་མཆོད་པ་ཕུལ་ཞིང༌། བུ་འབྱུང་བར་གསོལ་བ་བཏབ་པས། སྤྱན་རས་གཟིགས་ཀྱི་བྱིན་རླབས་ལས་ཡུམ་ལ་ལྟས་བཟང་པོ་དང་བཅས་ཏེ། མེ་མོ་ལུག་གི་ལོ་ལ་སྐུ་བལྟམས། ཆུང་ངུ་ནས་ཆོས་ཀྱི་བག་ཆགས་མ་གཏོགས་བྱིས་པ་གཞན་གྱི་རྩེ་མོའི་ཟླ་ལའང་མི་བཞུགས། ལོ་དྲུག་ནས་ཀློག་ལེགས་པར་མཁྱེན། ལོ་བཅུ་དྲུག་པ་ལ་ཆོས་རྗེ་གཙང་པ་གཞུངདུ་བྱོན་པ་ལ་དད་པ་ཐོབ་ཅིང་བསྙེན་བཀུར་རྒྱ་ཆེར་བྱས། བཅུ་བདུན་པ་ལ་རྗེ་གོང་མ་སྙེ་ཐང་དུ་དུམས་ལ་ཕེབས་པའི་ཚེ་ཡབ་ཡུམ་སྲས་གསུམ་གྱིས་མཇལ། བཅོ་བརྒྱད་པ་ལ་བྲོས་ནས་སྐྱོར་མོ་ལུང་དུ་མཁན་པོ་སྦལ་ཏི་ལས་རབ་ཏུ་བྱུང༌། མཚན་ནི་དབང་ཕྱུག་བརྩོན་འགྲུས་སོ། །དེ་ནས་རྗེ་གོང་མའི་སྤྱན་སྔར་བཞུགས་ཡུལ་ནས་བསྙེགས་མ་བྱུང་བས། རྗེའི་ཞལ་ནས། བར་ཆད་དུ་མི་འགྲོ་བས་ད་ལན་བཞུད་ཅིག་གསུང༌། ཡུལ་དུ་བྱོན་པ་ན་ཉེ་བ་རྣམས་ཀྱིས་བག་མ་བསུས་ནས། ལྕགས་འཇུག་པ་ལ་སོགས་པའི་གྲོས་བྱས་པ། ཨ་མས་བྱ་བཏང་བྱུང་བས། རྗེའི་སྤྱན་སྔར་བྲོས་ཏེ་བྱོན། གཏུམ་མོ་ལ་སོགས་པའི་ཁྲིད་འཕྲོ་རྣམས་ཞུས་པས། དེ་དུས་རང་ནས་དྲོད་ཁྱད་པར་ཅན་སྐྱེས་པས་རས་རྐྱང་མཛད། དེའི་སྟོན་དེ་ཆོས་རྗེ་གོང་མ་ཡུལ་དུ་སྤྱན་དྲངས་ནས་ཆོས་འཁོར་བསྐོར། ཉི་འབྲེལ་རྣམས་ཀྱིས་ཆོས་རྗེ་གོང་མ་ལ་འདི་འབབས་པའི་བཀའ་གནང་དགོས་ཞུས་པས། གཏམ་ལན་རང་གིས་འདེབས་པ་ཞུས་ནས། ང་འཆི་བའི་ཚེ་ཁྱེད་ཉེ་བས་ཤོལ་མི་