[A:812]ཏུ་ཆོས་རིན་གྱིས་ཞབས་ནས་བཏེག །ཕྱིས་སྐྱི་ཤོད་དུ་སྤང་བོ་ཁ་དང་ལྡན་རྫོང་དུ་བཞུགས། དེ་རྗེས་གཡོར་ཕྱོགས་སུ་ཕེབས་ནས་ཡར་རྒྱབ་པ་དཔོན་ཆེན་དགེ་བསྙེན་པས་བླ་མར་གཟུང༌། དེ་ལྟར་ས་ཡར་མར་དུ་འགྲོ་དོན་རྒྱ་ཆེན་པོ་མཛད་ནས་གྲ་ཕྱི་འབྲུག་གི་དགོན་པར་ཆུ་མོ་ཡོས་ཀྱི་ལོ་རང་ལོ་དྲུག་ཅུ་རྩ་བཞི་པ་ལ་གཤེགས།
དེའི་སློབ་མ་རྒོད་ཕྲུག་ཆོས་རྗེ་དང༌། མཁན་ཆེན་ཤཱཀྱ་གྲགས་པ་སོགས་ཡིན་ནོ།
ཡང་གཙང་པ་རྒྱ་རས་ཀྱི་སློབ་མ་གཡའ་རས། དེའི་སློབ་མ་བདེ་མཆོག་སངས་རྒྱས། དེའི་སློབ་མ་རྫ་རི་རས་པ་ཤེས་རབ་དཔལ། དེའི་སློབ་མ་རྐྱང་ཆེན་རས་པ་གཞོན་ནུ་བསོད་ནམས། དེའི་སློབ་མ་དབོན་པོ་དབང་ཕྱུག་གཞོན་ནུ། དེའི་སློབ་མ་མཁས་བཙུན་དོན་གྲུབ་གཞོན་ནུ། དེའི་སློབ་མ་ཆོས་རྗེ་ཤེས་རབ་དཔལ་ཏེ། འདི་ནི་རྐྱང་ཆེན་སྤྲུལ་སྐུའི་དབོན་པོ། རྐྱང་ཆེན་ནང་སོའི་ཞབས་ཏོག་དང་ལས་ཀ་བྱེད་བཞིན་པ་ལ། ཆོས་མ་བྱས་ན་ད་ལྟའི་སྤྱོད་པ་འདིས་མི་འོང་དགོངས་པ་བྱུང་དུས། སྤྲུལ་སྐུ་ལ་གདམས་པ་ཞུས་ཏེ། རི་བོའི་ཕུ་ཁྱག་པ་དཀར་མོར་ཐུགས་དམ་མཛད། ཁོང་རང་གི་ཕུ་བོ་དབོན་པོ་རིན་གྲུབ་ཀྱིས་རྒྱགས་སྐྱེལ་གྱི་ཡོད་པ། ལན་ཅིག་རྒྱགས་ཟད་པས་རྐྱང་ཆེན་དུ་ལེན་དུ་བྱོན་པ། དབོན་པོ་རིན་གྲུབ་ན་རེ། རྒྱགས་སྐྱེལ་སོང་ཡོད་པ་ལ་ལམ་དུ་མ་མཇལ་ལམ་ཟེར། དེར་ལོག་བྱོན་པས་སུ་ཡང་མ་བྱུང་འདུག་པ། ང་ཁྱོད་ལ་མི་རེའོ་སྙམ་དུ་ཐུགས་ཐག་