[A:80]བླངས་པ་ནས། མེ་མོ་ཡོས་དེ་ཡན་ལ་ལོ་དྲུག་ཅུ་སྐོར་བཞི་དང་ལོ་ལྔ་བཅུ་སོང་ངོ༌། །ཐང་ཐའི་ཛུང་གི་རིང་ལ་ལོ་ཙཱ་བ་ཐང་ཟམ་ཚང་ཞེས་པ་བྱུང་ནས་ཆོས་མང་པོ་བསྒྱུར། དེ་ཡན་ཆོད་ལ་རྒྱ་ཡི་ལོ་ཙཱ་བ་ཉིས་བརྒྱ་བྱུང༌། ཐང་རུས་པའི་མིང༌། ཟམ་གསུམ། ཚང་སྡེ་སྣོད་དེ། སྡེ་སྣོད་གསུམ་པ་ཞེས་བྱའོ། །དེ་རྒྱ་གར་གྱི་སློབ་དཔོན་དབྱིག་གཉེན་གྱི་སློབ་མ་ཡིན་ཟེར། ཐང་གི་རྒྱལ་པོ་ཕྱི་མ་འདི་ཁམས་ན་གྲུམ་ཡེ་ཤེས་རྒྱལ་མཚན་བསྟན་པའི་བདག་པོ་བྱེད་པའི་དུས་ཡིན་ནོ།
ཡང་ཐང་རབས་ཆད་པའི་རྗེས་ལ། ལྱང་ཞེས་པ་ལ་རྒྱལ་ས་འཕོས་པ་ཡིན། དེ་ཡང་ཐང་གི་རྒྱལ་པོའི་དུས་སུ་ཧྭང་མའོ་ཟེར་བ་བསིའུ་ཚ་ཞིག་གིས་ངོ་ལོག་བྱས་ནས་རྒྱལ་པོ་བྱས། ཇུ་ཧུན་ཟེར་བས་བློན་པོ་བྱས། རྟིང་ལ་ཇུ་ཧན་གྱིས་ཐང་ལ་ངོ་བལྟས་ནས། ཆུ་མི་དབེན་གྱི་དམག་དཔོན་བྱས། ཡང་རྟིང་ལ་ངོ་ལོག་སྟེ་རྒྱལ་ས་ཕྲོགས་པས་ལྱང་རྒྱལ་པོ་ཞེས་པའི་བརྒྱུད་བྱུང༌། དེ་ལ་སོགས་པ་རུས་མི་གཅིག་པའི་རྒྱལ་རབས་ཚན་པ་ལྔ་ལ་རྒྱལ་པོ་བཅོ་ལྔ་བྱུང༌། ལོ་ལྔ་བཅུ་ཐམ་པ་རྒྱལ་ས་བྱས། དེའི་རྗེས་སུ་ཅིའུ་ཐའི་ཛུང་ཞེས་པའི་རྒྱལ་པོ་ལ་རྒྱལ་རབས་བརྒྱད་སྦེན་ལྱང་གི་ས་ཆར་བྱུང༌། རྒྱལ་རབས་བརྒྱད་པ་ཧྭང་ཤང་ཕ་བུ་གཉིས་ཀྱི་ལག་ནས། ཆི་ཧན་ཏའི་གླེའུ་ཞེས་པས་སྦེན་ལྱང་ལ་སོགས་པའི་རྒྱལ་ཁམས་ཕྱེད་ཕྲོགས། རྒྱལ་རབས་དེ་ལ་ཏའི་གླེའུ་ཟེར། ཧྭང་ཤང་གི་ཞ་གོན་མའི་བུ་ཁ་དབང་ཞེས་པ་སྨན་རྩེའི་ཡུལ་དུ་འོངས་ནས། ཕའི་ཡུལ་གྱི་རྒྱལ་ཁམས་ཕྱེད་པོ་