[A:848]ཤེས་གསལ་བར་བཤད་དོ། །དེ་བས་ན་རྗེ་སྒམ་པོ་བའི་ཕ་རོལ་ཏུ་ཕྱིན་པའི་ཕྱག་རྒྱ་ཆེན་པོ་ནི་མངའ་བདག་མཻ་ཏྲི་བའི་བཞེད་པ་ཡིན་པར་རྗེ་རྒོད་ཚང་བས་ཀྱང་བཤད་དོ། །སྔགས་ཀྱི་ལམ་དུ་གྱུར་པའི་ཕྱག་རྒྱ་ཆེན་པོ་ཡང་རྗེ་སྒམ་པོ་བས་ནང་གི་སློབ་མ་རྣམས་ལ་ངེས་པར་བསྟན་ཏོ། རྗེ་མར་པ་འཁྲུངས་ནས་དིང་སང་གི་མེ་ཕོ་སྤྲེའུ་ཡན་ལ་ལོ་བཞི་བརྒྱ་དང་དྲུག་ཅུ་རྩ་ལྔའོ་ཞེས་ཤེས་པར་བྱ་སྟེ། རྗེ་མར་པའི་བཀའ་བརྒྱུད་དང༌། ཁྱད་པར་དྭགས་པོའི་བཀའ་བརྒྱུད་ཅེས་གྲགས་པའི་གཏམ་རགས་པ་ཙམ་ཞིག་ཐལ་ལོ། །