[A:89]
དུམ་བུ་གཉིས་པ། བསྟན་པ་ཕྱི་དར་གྱི་སྐབས།
བསྟན་པ་ཕྱི་དར་གྱི་ལོ་ཚིགས་དང་བླ་ཆེན་པོ་ལ་སོགས་པའི་སྐབས།
༄༅། །བསྟན་པ་ཕྱི་དར་གྱི་རྩ་བ་ཉིད་གང་ཡིན་བཤད་པར་བྱ་སྟེ། དར་མ་འུ་དུམ་བཙན་གྱིས་བསྟན་པ་བསྣུབས་པའི་དུས་སུ་དཔལ་ཆུ་བོ་རིའི་སྒོམ་གྲྭ་ན། གཡོར་སྟོད་ཀྱི་དམར་བན་ཤཱཀྱ་མུ་ནེ་དང༌། དྲང་ཆུང་མདོའི་གཡོ་དགེ་འབྱུང་དང༌། རྒྱ་རབ་པའི་གཙངས་རབ་གསལ་གསུམ་གྱིས་ཀརྨ་ཤ་ཏཾ་ལ་སོགས་པའི་འདུལ་མངོན་གྱི་དཔེ་ཆ་དགོས་པ་རྣམས་སྤྱན་དྲངས་ནས། དང་པོར་སྟོད་ཕྱོགས་ལ་བྲོས་ཏེ། ཉིན་པར་ཡིབ་ཅིང་མཚན་མོར་ལམ་བཅད་དེ་མངའ་རིས་སུ་སླེབས་པ་ན། དེར་ཡང་བཞུགས་མ་ནུས་ཏེ་བྱང་ལམ་ནས་ཧོར་གྱི་ཡུལ་ལ་བྲོས་ཏེ། ཧོར་གྱི་དགེ་བསྙེན་ཤཱཀྱ་ཤེས་རབ་ལ་བརྟེན་ཏེ་བཞུགས་སོ། །དེ་ནས་མདོ་སྨད་སྲོ་གུ་ལུང་དུ་བྱོན་པའི་སྐབས་སུ། འབྲོག་སྟག་སྣང་ཁྲི་སུམ་རྗེ་ཞེས་པའི་བློན་པོ་དེས་ཆོས་དང་ལྡན་པའི་རྒྱལ་པོའི་བཀའ་བློན་མཛད་ནས། དེས་ལོ་སུམ་ཅུ་རྩ་ལྔ་པ་ལྕགས་ཕག་ལ་སྨོན་ལམ་བཏབ་ནས་ཚེ་འཕོས་ཏེ། ཙོང་ཁ་བདེ་ཁམས་སུ་ཆུ་ཕོ་བྱི་བ་ལ་སྐུ་འཁྲུངས་ཏེ། དེ་ལུས་ནར་སོན་ནས་ཞིང་དབོན་དབེན་སར། ནོན་འཇམ་དཔལ་ལ་བཟླས་ལུང་བླངས། ཁང་རིན་ཆེན་རྡོ་རྗེ་ཞེས་བྱ་བ་