[A:946]པོ་བཀྲ་ཤིས་རྣམ་པར་རྒྱལ་བས་སློབ་དཔོན། དཀའ་བཞི་པ་ཤེས་རབ་དཔལ་ལྡན་གྱིས་དུས་བསྒོ་བ་བྱས་ཏེ་རབ་ཏུ་བྱུང༌། དེའི་ཚེ་མཁན་པོའི་གསུང་གིས། འདི་ལ་བསྟན་པ་རང་འབྱམས་ལ་མངའ་མཛད་པའི་སྐྱེས་བུ་དམ་པ་ཅིག་འོང་བ་ཡིན་གསུང་བའི་དབུགས་དབྱུང་བ་དང་ལྷན་ཅིག་ཤཱཀྱ་རིན་ཆེན་དུ་མཚན་གསོལ། དེ་ནས་ཉིད་ཀྱི་སྐུ་ཞང་སློབ་དཔོན་ངག་དབང་བ་ལ་བརྟེན་ཏེ་རྣམ་འགྲེལ་དང༌། ཕར་ཕྱིན་གྱི་སློབ་གཉེར་མཛད་པའི་ཚེའང༌། ཞོགས་རེ་ཞིང་རྣམ་འགྲེལ་གྱི་གཞུང་ཤོག་གསུམ་མ་ཐུགས་སུ་ཆུད་པ་དང༌། གཞུང་རྣམས་ཆེས་བྱང་བ་རྐང་པ་རེ་རེ་ནས་ལུགས་ཟློག་ཏུ་ཐོན་པ་སོགས་ཀྱི་སྦྱང་བའང་མཛད་དེ། དགུང་ལོ་བཅུ་གསུམ་པ་ལ་དཔལ་རྩེས་ཐང་གི་ཆོས་གྲྭར་ཕར་ཚད་ཀྱི་བཤད་པ་གསར་པའི་དགའ་སྟོན་སྤེལ་བས། འདུས་པ་ཐམས་ཅད་ངོ་མཚར་གྱི་གནས་ལ་བཀོད། ཚུལ་དེས་ཆོས་ཀྱི་རྒྱལ་པོ་གྲགས་པ་འབྱུང་གནས་ཐུགས་ཕྲོགས་ཏེ། བཙུན་ཆུང་འདི་ལ་ངའི་བུ་ཚབ་འཆོལ་བ་ཡིན་གསུང་སྟེ་སློབ་གཉེར་གྱི་བདག་རྐྱེན་མཛད་ནས། ཆེན་པོ་དཔལ་འབྱོར་རྒྱ་མཚོ་བ་ལ་སྦྱར་ཏེ་དཀའ་བཅུའི་གཞུང་ཆེན་པོ་རྣམས་ལ་ནན་ཏན་དུ་མཛད་པའི་ཚེའང་ཉིན་མཚན་མང་པོར་སྦྲེལ་ཏེ་བརྩོན་པས་དུས་འདའ་བ་ལས་ཅུང་ཟད་ཙམ་ཡང་མི་མནལ་བ་དང༌། ཉིན་རེ་ཞིང་གཞུང་ཆོས་མི་གཅིག་པ་བདུན་རེ་གསུངས་པ་ལ་སྐྱར་ཆོས་མཛད་པས་མདའ་ཚད་ཉི་ཤུ་རྩ་གྲངས་ཀྱི་ཁྱོན་སྐོར་བ་ལ་དཀའ་གནས་མེད་པར་འཁྱོངས་པ། ཐེགས་ལམ་ཆིབས་ཐོག་ཏུ་བཤེས་སྤྲིང་གི་གཞུང་ལ་