[A:948]འབྱམས་ཀྱི་ཐོས་པ་ཡོངས་སུ་ཚོལ་བས་མཁྱེན་རབ་ཀྱི་བློ་གྲོས་ཡོངས་སུ་འགེངས་པར་བཞེད་ནས། ན་ལེན་དྲར་ཐེགས་ཏེ་རོང་སྟོན་སྨྲ་བའི་སེང་གེ་ལས་བྱམས་ཆོས་ལྔ། དབུ་མ་རྩ་འཇུག སྤྱོད་འཇུག འདུལ་བ་མེ་ཏོག་ཕྲེང་རྒྱུད། སྒོམ་རིམ་གསུམ་སོགས་ཀྱི་བཤད་པ། ཕར་ཕྱིན་དང་དབུ་མ་ལྟ་ཁྲིད་སོགས་ཁྲིད་ཕྲན་མང་པོ། རྗེ་བཀྲ་ཤིས་རྣམ་པར་རྒྱལ་བ་ལ་ཕར་ཚད། དབུ་མ་སྐོར། སྐྱེ་རྡོར་ཡབ་ཡུམ་གྱི་བཀའ་སོགས། རྔོག་བདུན་རྒྱུད་ཀྱི་ཐ་མ་རྔོག་བྱང་ཆུབ་དཔལ་བ་ལས་རྔོག་དཀྱིལ་བདུན་སོགས་ཀྱི་བཀའ་དང༌། རྗེས་གནང་མང་པོ། དམར་སྟོན་རྒྱལ་མཚན་འོད་ཟེར་ལས་ཀྱང་གསང་སྔགས་ཀྱི་བཀའ་རྗེས་གནང་མང་པོ། སྣར་ཐང་མཁན་ཆེན་བསོད་ནམས་མཆོག་གྲུབ་པ་ལས་ས་སྡེ་ལྔའི་ལུང་སོགས། མཁན་ཆེན་ཀུན་རྒྱལ་བ་ལས་རྡོ་རྗེ་ཕྲེང་བ་དང༌། ཀྲྀ་ཡ་ས་མུ་ཙྪ་སོགས་དབང་བསྐུར་རབ་འབྱམས། ལམ་འབྲས། ཨུ་རྒྱན་བསྙེན་སྒྲུབ། ཆོས་དྲུག ཕྱག་ཆེན་ལ་སོགས་པའི་ཁྲིད་རབ་འབྱམས། རྒྱུད་འབུམ་ལ་སོགས་པའི་ལུང་རབ་འབྱམས། སྒྲོན་གསལ་ལ་སོགས་པའི་བཤད་པ་རབ་འབྱམས། འཚུར་ཕུར་ཐེགས་ཏེ་འཇམ་དབྱངས་དོན་གྲུབ་འོད་ཟེར་བ་ལ་དཔལ་ཀརྨ་པའི་ཆོས་ཀྱི་རྒྱ་མཚོ་ཇི་སྙེད་པའི། དབང༌། ལུང༌། མན་ངག་བཤད་པ། སློབ་དཔོན་ཡེ་ཤེས་རྒྱ་མཚོ་བ་དང༌། བྲག་ནག་ཏུ་ཐེགས་ནས་རྗེ་རིན་ཆེན་རྒྱལ་མཚན་པ་ལ། དུས་ཀྱི་འཁོར་ལོ་ལ་སོགས་པ་གསང་སྔགས་ཕྱི་ནང་གི་དཀྱིལ་འཁོར་མང་པོར་དབང་དང་བཤད་པ། འགོས་