[A:993]དུལ་མོ་བྱས་པས་སྤྱུགས་བར་ཡང་ཤེས། དེ་ནས་ལྷ་སར་རབ་ཏུ་བྱུང༌། སྐོར་ཆུང་བར་གྲགས། ཇོ་བོ་རྗེའི་སློབ་མ་བལ་པོ་འགྱོད་པ་གསང་བ་དང་བཻ་རོ་ཙ་ན་གཉིས་མཇལ། ཁོང་བསྙུང་བ་ལ་བཻ་རོའི་དབུ་སྐྲ་ཐོར་རེ་བརླན་པས་ཕན། སྒོམ་ཞུས་པས་སེམས་འཛིན་ཟབ་མོ་ཅིག་ཀྱང་གནང༌། ཁྱོད་རྣལ་འབྱོར་བ་སྔོ་བསངས་ཀྱིས་བྱིན་གྱིས་རློབ་ཅེས་ལུང་བསྟན། འགྱོད་པ་གསང་བ་ལ་སྒྲ་བསླབས་པས་ལོ་གཅིག་ལ་མཁྱེན། ཡོན་གསེར་སྲང་གསུམ་ཁས་བླངས། འཕན་ཡུལ་དུ་བྱོན་པས་ལོ་ཙཱ་བ་ཅིག་གྲོངས་པའི་ཇོ་མོས་བི་བརྟ་ཕུལ། དེ་རྟིང་ལོ་བཅུ་བཞེས་པའི་ཚེ་གསེར་ཁུང་སྒང་དུ་གསེར་པའི་རྐུན་པོ་བསྲུང་བ་མཛད། ཁོ་རང་གི་ཡོ་བྱད་རྐུན་པོས་ཁྱེར་བ་ལ་མཐུ་མཛད་པས་ཡུས་ཆེན་པོ་ལོན། གསེར་མང་པོ་བྱུང་བས་བལ་པོ་ལ་ཁས་བླངས་པ་བཞིན་གྲུབ། ལོ་བཅུ་གཅིག་ལོན་པ་ལ་ཡུལ་དུ་བྱོན། ཡབ་འདས་པའི་གླེགས་བམ་བརྒྱ་ཚར་མཛད། སྲིང་མོས་སྦས་པའི་གཡུ་རྡོག་ཅིག་བརྐུས་ནས་དབུར་རུར་བྱོན། ལོ་བཅུ་གཉིས་པ་ལ་འདུལ་བ་བཤད་ཤེས་པ་བྱུང༌། དེ་ནས་གཡུ་དེ་བཙོངས་པས་གསེར་སྲང་བཅུ་གསུམ། དར་གུ་ལིང་ཡུག་གཅིག་གསེར་ཞོ་གང་གི་གླ་རྩི་རྣམས་བྱུང་བ་བསྣམས་ཏེ། སྦ་སྟོན་རྡོར་ཤེ། ཀོང་སྟོན་རིན་ཆེན་གསུམ་གྱིས་བལ་པོར་ལོ་བཅུ་གསུམ་པ་ལ་བྱོན། ཡ་གལ་དུ་ཀྲྀ་ཡོག་ལ་སྦྱངས། མི་རྣམས་ཡམ་བུའི་རྣལ་འབྱོ་ར་མ་བལྟ་བ་ལ་འགྲོ་བས་བོད་གསུམ་པོས་ཀྱང་བྱོན། རྣལ་འབྱོར་མ་དེ་གྲོང་ཁྱེར་པའི་གཏོར་མ་གསོལ་ནས་མྱ་ངན་འདས་ཆུང་གི་གཙུག་ལག་ཁང་དུ་བཞུད། དེའི་ཕྱི་ལ་རྣལ་འབྱོར་