[A:1019]sna tshogs su sgrogs so/ /de la bod du gzhan don ji ltar mdzad pa ni/ spyir bod du lan lngar byon pa la dang po ni 'brin thang las sgo nas tsa rir byon nas re ma ti la rkang mgyogs kyi dngos grub zhus te/ skong yul dang sum yul gyi bar bcad de smad khams gsum zhabs kyis ther med du bcags/ de dus nyid na chos sbyin pa'i snod med kyang phyis de rnams su bstan pa dar bar 'gyur bar lung bstan/ gnyis pa ni kha che nas 'thon te mnga' ris su byon nas zhang zhung gling kha ba dang bon po khra tshang 'brug bla ma gdams pa 'ga' re gnang / gsum pa ni/ bal po nas tshong pa dang 'grogs te byon pa na yar klungs kyi rmang ra ser po dang mjal te de dang 'grogs nas gtsang du skyo bsod nams bla ma dang rmang ra ser po la gcod kyi gdams pa mang du gnang ngo / /bzhi pa ni sha 'ug stag sgo la byon nas gnyal du bzhugs te/ yum gyi sgrib pa sbyangs nas phyis dbus kyi phyogs su phebs nas rma so la sogs pa'i don mdzad pa'o/ /lnga pa ni/ de nas rgya nag tu byon nas der lo bcu gnyis bzhugs nas slad kyis ding rir phebs pa'o/ /de la spyir dam pas bod du gdul bya sna tshogs pa smin par mdzad pas sgo thar la song ba'i grangs ni/ kun dgas dam pa la bod na gdams pa btab pa'i slob ma ji tsam bdog zhus pas/ ding ri'i thad ka'i skar ma ya gi'i grangs khyod kyis chod dam gsung ste/ ding ri ni gnam rgya che bas de'i skar ma'i grangs gzung bar dka' ste/ de rnams sgo thar las kun la grags pa'i brgyud pa zin pa ma byung ste/ skye bo rnams kyis shes