[A:1032]mi stod lungs mda' na bzhugs pa'i tshe 'chus pa dar brtson gyis gdams pa zhur phyin nas/ gdams pa zhu ba yin byas te phrin du bskur bas mjal kha yang ma gnang / der 'chus pas zhag 'ga' yang khong gi khang rtsar sran bskyed nas bsdad/ der yon bdag cig gis dge bshes 'ga' yar la chos ston byed pa'i sar sha mi spyan 'dren pa'i zhu ba byung bas/ sha mi na re/ nga mi 'gro der slob dpon ting 'dzin 'od tshig pa za zer bas/ jo mo na re/ gdan 'dren pa la cis kyang 'byon pa 'thad/ nged rang gi phyi na yod pa'i btsun pa 'di phyags phyir khrid na 'dis kha ya yong ba srid zhus pas/ 'o na dris shig gsung bas/ 'chus pa la de ring bla ma'i phyags phyir phyin na slob dpon ting 'dzin zer ba cig yod/ de'i kha ya yod dam byas pas yod cig byas/ de nas dpon slob gnyis kyi byon pas yon bdag gi nang du sleb/ re shig na slob dpon ting 'dzin dpon slob lnga tsam byas byung / ting 'dzin na re/ smon lam 'bar gyis kyang sleb 'dug khyod kha 'dra'i gral dbu rang zer/ der 'chus pas bla ma rnam rtog dum bur gtub pas chos gtam mi mdzad/ nged rang chos gtam nyams dga' mo bya'am byas pas/ byas pas chog nga phar la su la'ang mi 'dri ba yin/ khyod rang nga la dris shig zer bas/ 'chus pa de dang por rigs tshogs la mkhas par sbyangs pa zhig yin pas/ 'o na dbu ma nas chos can mthun snang ba med par bshad pa de'i don ci yin dris pas/