[A:1064]rdo rje gdan na rnam par rgyal ma'i gzungs yod/ de khyod kyis de ring lon na yul 'di'i nad yams 'chad pas long gsung / rdo rje gdan thag ring bas de ring rang ga na lon byas pas/ brag khung cig gi nang na bug pa cig yod pa bstan nas 'di la phyin na lon zer/ dam pas brag khung de la byon pas/ rdo rje'i gdan yud tsam gyis 'khor/ gzung kyang lon nas nad yams zhi bar mdzad/ der rje btsun 'jam pa'i dbyangs dang yang mjal/ de rnams kyi bkod pa rgya rnams kyis ri mo la bris shing par du btab pa yang bod du sleb pa 'di yin no/ der dam pas lo bcu gnyis bzhugs nas zhi byed kyi chos rnams gsungs pas dar zhing / de'i gdams pa dang sgom rgyud ding sang yang ma chad par yod par grags so/ kha cig na re/ rgya nag tu dam pas gshegs pa'i tshul yang bstan zer/ ji ltar yang rung ste bod du byon nas dpal ding rir me mo glang gi lo la phebs/ glang 'khor gyi thang dkyil der thogs shig bzhugs pa na/ yul de'i rgan pa kha cig gis nged rang gi yul 'dir mtha' mi sdod du bcug pas mi 'ong zer nas 'don du phyin pas/ dam pa'i zhal nas/ khyed rnams dang nga yul 'dir 'ong ba su snga lta yi/ 'dir ngas dang por 'ongs tsa na 'di 'dra ba zhig yod/ de'i rjes la 'di 'dra gsungs bas/ khong rnams kyis ci yang ma spobs te log song / de ltar ding rir phebs pa 'di lan lnga pa zhes bya ste/ 'di man chad du gsungs pa'i chos rnams la brgyud pa