[A:1080]da res kyang lam dka' ba spyad nas 'dir 'ongs/ thams cad kyi gdams pa yang btab/ khyed rang gis nyams su blangs pa la go tshod dang 'dir 'ongs bas bogs thon lugs nyams rtogs shar lugs 'dra ba med dam shod dang gsung bas/ ma gir ni chos thams cad spros pa'i mtha' dang bral bar go ste/ rjes su dpag pa'i lam mun khung gi lag par 'dug 'dir chos nyid dbang po'i mngon sum du shar bas rtogs pa'i mtha' chod pa cig byung zhus pas legs so gnang / dbu thog na shog bu cig btags 'dug pas/ 'di na tsha bzang po yod de/ la stod na myong shes pa med gsung nas de yang pa tshab la gnang / sna mar gyi thel la kha phye gsung nas der byon nas gzigs pas/ thog mar zug pa'i rtsa ba'i chos sde zhus lan dgu de nas 'grel ba sdong po'i chos don rgyud skor gsum/ de 'og nas gyes pa yal ga'i chos mtshon dpe dang brul tsho/ de'i 'og nas lo 'dab kyi chos sde bcu drug de'i 'og nas mdzes pa me tog gi chos sde lnga/ de'i 'og nas 'bras bu'i chos sde A li kA li phyi nang gsang gsum rnams byung / de nas bla ma la gtad pas tsha khyod rang 'tsho gsung nas dpe shu gu dang bcas pa gnang / de nas lo gcig gi bar du nag khrid rnams zhus/ dri bas 'phra bcad de yi ge la btab pa rnams la 'phra tig tu btags/ bu chen gzhan rnams la yang gdams pa'i 'phra bcad de zin bris su btab nas 'phra gcod du btags/ de nas ding ri rang du bzhugs