[A:1110]gar shar phyogs su byon te/ gzhan mang po pham par byas/ phyis paNDi ta shes rab grub pas rtsod pa bzlog cing zil gyis mnan nas/ de nas shes rab grub pa bla mar gzung ste gshin rje gshed kyi dbang zhus/ gsang mtshan 'jigs med rtsal du btags/ dpon slob 'grogs u rgyan du chos skyong ba'i rgyal po chos kyi lha'i sar byon/ rgyal pos zhus nas shes rab grub kyis tshogs kyi gtso bo mdzad/ 'jigs med rtsal gis las kyi slob dpon mdzad nas tshogs kyi 'khor lo bskor/ skye ba thams cad du 'du ba'i smon lam btab pa bzhin/ 'jigs med rtsal de nyid 'dir me pho rta'i lo la 'khrungs/ lo brgyad la yig rtsis bslabs pas mtshon pa tsam gyis mkhyen/ lo bcu gsum la yon tan dang sku lus rdzogs te gra dol gzhung gsum tshogs pa'i ltad mo la khrom thog chod/ bcu bzhi la 'dag 'byar mdzad pa'i ngang nas gzhi lam gyi stong thun gsungs pas grwa sgom thams cad dad pas mchi ma shor/ bco lnga pa la 'chos tshang khyim du rnal 'byor seng ge la dbu ma rigs tshogs bslabs pas rin po che'i rtsod pa'i ya pher/ bcu bdun la grwa phyi rta lam po'i slob dpon zhang ston dkon mchog la sgra'i bstan bcos mang du bslabs/ lo nyi shu la kha rag tu mkhas pa jo pad kyi sar byon nas/ mdo sgyu 'phrul sems phyogs gsum lo gnyis la mkhyen/ gtsang phyogs rnams su rtsod pa'i grwa skor mdzad/ bzang nye'u khar yang mkhas pa mang po pham par byas pas ru mtshams pa bsod rin bya