[A:1142]dang 'thung gcod ces bya ba'i sgra gnyis kas bshad pa bzhin du gzung bar bya'o/ labs sgron ni/ yul g.ye labs/ grong 'dabs grong mtsho mer mo/ rus khe'u gang / yab chos bla/ yum klungs mo 'bum lcam gyi sras su 'khrungs/ lo tsA ba khe'u gang 'khor lo grags dang lcam sring yin zhes zer/ gzhon nu nas grwa pa mngon shes la rab tu byung / klog mkhas pas grwa pa'i shes rab kyi pha rol tu phyin pa klog pa'i klog mkhan yun ring du mdzad/ sher phyin klog pas stong pa nyid kyi lta ba gsha' mar skyes/ de'i skabs shed du dam pa dang mjal/ de nas lan cig gi tshe klog mkhas pas 'dam bur klog la byon pas/ gcer grong pa thod pa 'ba' re bya ba mi rabs nyi shu rtsa gsum du dge bshes rgyun ma chad pa cig kyang der rim gro la byon/ de dang 'dus pa las gza' mir song nas/ gnyis pos kong por byon/ sras mo cig 'khrungs pa la kong lcam zer/ yar la byon pa'i lam du la bar du sras mo cig 'khrungs pa la lcam zer/ de nas g.yer phebs nas gangs par spel cig mar sras snying po grub pa/ grub chung / yang grub ste gsum 'khrungs/ de rjes yang btsun chas gyon skra bregs nas bzhugs/ skyo bsod nams bla ma khams su byon nas phyir 'khor ba'i lam du sgyu 'phrul gyi dbang gsan/ dbang gi gral du rtogs pa shar bas dbang gsan 'phro la phyir 'thon nas bzhud pas gzhan rnams kyis mo'i dbang 'phro la lus byas pas/ don gyi dbang de mos thob nas song / khyed rnams kyis tshig gi