[A:1152]zags pa rmis pa'i de ma thag gnas lugs kyi rtogs pa 'khrungs/ lus kyang rta bas mgyogs par gyur to/ des sgom pa gzhon nu ye shes la gnang ste/ de yang gdams ngag mang du yod kyang nad kyis mnar ba zhig rdo rje bde ba la gcod kyi gdams ngag zhus/ gnyan sa mang po 'grims/ nad las rgyal/ rtogs pa 'khrungs/ gcong can mang du gsos so/ des bla ma mi bskyod rdo rje la gnang / de ni snye mo mkha' ru thog tu 'khrungs/ de ni sngags pa yin pa cig bam sgrub nyes nas/ lus gcong gis zin pas bla ma gzhon nu ye shes la gtugs nas gcod kyi gdams pa zhus shing nyams su blangs pas khams dwangs/ gcong can mang du sos so/ des bla ma sangs rgyas ston pa la gnang ste/ de ni 'khrungs yul sgong ma'i ko ru ba/ gro sar rab tu byung / phar phyin/ bden gnyis/ rma so skam gsum gyi chos skor la sogs mkhas par mkhyen/ mi bskyod rdo rje la gcod kyi gdams pa rnams zhus/ de rnams kyi don brgyud ma lus par gsan zhing rtogs pa mang du 'khrungs/ des bla ma lung phran pa chen po la gnang / de yang dus 'khor dang phar phyin mkhas par mkhyen/ mi bskyod rdo rje la gdams pa gsan zhing rtsal thon par mdzad do/ btsun gyi lung blangs nas bzlas bsnyen mdzad pa las ring por mi thogs par zhal mngon sum du gzigs te/ slob dpon dang slob ma dag bzhin du dri zhing lan gdab pa mdzad pas chog pa dang / phal cher mngon du phyogs pas gnang bar mdzad pa zhig