[A:1162]khyed kyis 'gro ba la phan thogs par 'dug pas sbyin no gsung nas brul tsho drug pa zhal gdams dang bcas pa gnang nas/ da gdams pa la lhag ma lus pa gcig kyang med do gsung / zhal gdams rnams yi ger ma 'debs shig gsung nas dgyes bzhin du gnang / des sum ston ras pa la/ des bla ma gnyan ston la/ /
yang ri khrod phug ston gyis skal ldan sras mo la/ des gtsang ston skyi tshang pa la/ des gnyan ston la/ des dbon po chos sdeings pa dar ma shes rab la/ des skrig ston sangs rgyas la gnang ngo / yang sum ston ras pas sangs rgyas ston pa la gnang / des mkhas btsun gzhon nu grub man chad sngar bzhin no/ spyir gcod kyi skor 'di rnams shin tu khyab che la/ de las rnam thar lo rgyus kyi yi ge mthong ba dag bris pa yin no/ pho gcod kyi skabs so/ /
kha rag pa'i skabs/
gangs can gyi skye bo 'di dag la gtsug gi nor bu gcig dang rna ba'i rgyan gnyis yod de/ gtsug gi nor bu ni padma saM bha ba'o/ rna ba'i rgyan gcig ni kha rag sgom chung yin la/ gnyis pa ni rje btsun mi la'o/ kha rag sgom chung ni/ gdams ngag gi rgyun chu bo gnyis 'dres gsol zhing sgrub pa rtse gcig pa'i rnal 'byor pa yin no/ de la gdams ngag gi rgyun