[A:1197]gser tshur gtad/ zhal ngo gnag par 'dug pas de mar lo la bshad/ mar lo na re/ de bla ma ma mnyes pa yin/ da bshags pa bya dgos/ bshags thabs kyang bla ma la zhus zer/ zhus nas/ dri chen dri chu la zas gyis gsung nas byas/ ting nge 'dzin gyi dbang bskur gnang ba bsgoms/ yi ge drug pa zla ba gcig tu bzlas pas rmi lam na sdig sbrul mang po lus las 'thon pa rmis/ mal chu ser gyis gang / yid dang sing ba snyam byed/ sha ro dad pa la ldogs sogs kyang mi 'dug phar cham tshur cham byas/ sang snga bar bla ma'i drung du phyin/ gser srang gcig la maNDal byas/ thugs rje chen po'i rgyud sgrub thabs man ngag dang bcas pa gnang / rdo rje gdan du bsgoms pas rmi lam du sgrol mas bsil ba tshal du song zhig ces lung bstan/ rdo rje gdan pa la zhus pas ma 'gro gsung / yang rje btsun ma mngon sum du gzigs te song gsung ba'i lung bstan byung / rdo rje gdan pa la zhus pas da khyod rang mkhas song zhig gsung / bsil ba tshal du nya gro dha'i shing sdong rtsar bsdad pas sbrul nag po chen po zhig gis shing sdong de la se bcings su bcings/ dbugs mi thon pa 'dra ba byung / mnyam par bzhag pas de ma thag grol te/ sbrul de rnams sras su gyur nas rang gi snying po phul ci 'dod sgrub par khas blangs so/ de nas gangga'i 'gram du mu stegs rnams dang rdzu 'phrul 'gran pas kyang mu stegs kyis ma thub par sangs rgyas kyi bstan pa la btsud/