[A:1220]skabs so/ /
de lta bu la sogs pa'i sngags dang mtshan nyid kyi chos kyi sgo rnams bdag nyid kyi mthong ba dang / bla ma las thos pa dang / gzhan rnam par thar pa dang / gtam brgyud kyi yi ge tsam mthong ba las bris kyi/ blo gros dman pa nyid kyis na mtha' dag smra ba ni mi spobs so/ /
thor bu ba'i skabs/
gzhan yang gsang ba'i bdag po phyag na rdo rjes mkhan chen las kyi rdo rje la bka' stsal ba'i chos zab mo du ma yod pa dag dang / rje btsun 'jam pa'i dbyangs kyis bla ma dbu ma pa la gnang ba'i chos mang po yod pa sogs lhas gnang ba dang / bdag nyid de kho na nyid kyi rnal 'byor dang ldan pas rgyud kyi tshul du byas pa'i gzhung dang / nyams la bab pa'i mgur la sogs pa mtha' yas pa rnams la yang bslab pa gsum dang 'gal bar ma gyur na/ tshig gi tshul bzang ngan tsam la brten nas smad par mi bya ba ni/ dpal dus kyi 'khor lo'i 'grel ba las/ yul gyi skad dang zur chag sgra las kyang / /rnal 'byor ldan pas don ni 'dzin byed de/ /chu la 'o ma nges par zhugs pa de/ /ngang pas rab tu phyung nas 'thung bar byed/ /don dam de nyid yul la rtag tu ni/ /chen po rnams ni tshig la rton pa min/ /yul gyi ming rnams kyis ni don shes na/ /bstan bcos sgra rnams kyis ni