[A:1242]byang grags te bod pa gnyis rnams shar phyogs dza gad da rar paN chen gdan 'dren gyi pho nya la mngags/ de'i tshe sangs rgyas don yod grub pa la phyag 'tshal lo/ shAkya'i bstan la shAkya'i sras bltams shAkya'i mtshan/ /lnga rig gtsug nor dri med brtul zhugs brtan po 'dzin/ /bya ba la sogs pa'i zhu yig rgya gar gyi skad du bris nas spyan 'dren pa rnams la bskur/ zhu rten du gser gyi sher snying cig gser srang lnga/ na bza' dar chen phrug cig 'ju zab bzang po'i bla re gcig rnams bskur/ la dru ba bya bar zhag sum cu rtsa bzhi na slebs pa dang / paN chen 'khor bcas kyang bod kyi spyan 'dren 'ong bar mkhyen nas der byon pas spyan 'dren mi 'dug pa dang phyir 'byon pa'i rtsis kyi khres po sngog pa'i tshe bang chen rnams kyis sleb nas yi ge dang 'bul ba rnams phul/ paN chen gyi zhal nas/ dza gad da la nas bod kyi spyan 'dren 'ong bar shes nas 'dir 'ongs pas su yang mi 'dug pas bzlog par rtsom pa'i tshe'ang da dung sdod cig spyan 'dren nges par 'ong zhes ma smras sam/ da ji ltar bya ba'i gros kyis paN chung dag la bka' stsal pas/ paN chung rnams kyis don 'di lta bu la chos rje nyid mkhyen pa ma gtogs bdag cag rnams kyi blos ji ltar bya ba ga la rtogs zhes zhus pas/ paN chen gyi zhal nas/ nga la gros dris sa yod cig gsung nas zhag lnga mtshams bcad nas rje btsun ma la 'dri/ de nas rgya gar shar phyogs kyi gnas brtan chen po mang pos paN chen bod du mi gshegs pa'i zhu ba la sleb/