[A:145]rnams ma tshang ba med par grong pa rnams la so sor gtad/ gtsang po lho khar yang de lta bu zhig mdzad bzhed nas/ chang gi rdza ma de khyer byon pa la/ nye gnas kyis lam khar 'di na ci yod pa yin nam snyam nas/ rdza ma'i kha phye bas sprul dkar po zhig 'thon song bas/ de nas lha bzhengs rgyu ma byung / thag gi rgyal por yang dag gi sgrub pa mdzad pa'i tshe/ bla chen 'brog mis nga panTi ta rdzong pa'i gser gyis ma ldangs pas/ khyod kyis gser mang po khyer la shog ngas gdams pa zab mo byin no zer ba'i bka' 'phrin byung ba la/ 'byon par bzhed pa'i tshe 'khor rnams kyis gshol kyang / bla ma'i gsung nyid dngos grub yin pas 'gro gsung zhing / gnas de dang ha cang mi ring ba'i sul zhig tu mi ma yin la gser blangs pas/ gzhi bdag de na re/ gser srog chags kyi gzugs can ma byung gi bar du gser rnams long zhig ces zer zhing phul bas/ khung bu gcig nas gser shin tu mang bar byung ba'i mthar gser sbal pa 'dra ba zhig byung ba dang 'phro bcad/ myu gu lung du byon nas lo tsA ba la gser srang brgya'i 'thud byas/ ston gyi dus ber gyi thog tu tshar ma 'khur ba mdzad pa sogs gus pa'i spyod lam gyis kyang mnyes par mdzad/ bsam mi khyab kyi gdams ngag gnang / lha rje 'ug pa lung pa sku bsod rgyas pa'i dus na nya ri na ma ma g.yung drung bkra shis bza' mi gnyis chos 'khor bya ba 'dod nas yul mi dang nye du kun bsags te/ slob dpon gang bzang dris pas/ la la na re sngags