[A:170]phyi tshar dbang phyug 'bum/ bdud rtsi dpal/ rin chen mgon no/ sras mo ston ma bdud rtsi 'bum/ bla ma rgyal mtshan gyi 'og ma jo sras ma rgya ma hor yin/ de'i sras mkhar pa jo nam/ de'i sras sum ston nyi ma'o/ jo sras ma rgya ma'i yang 'og ma sprul sku zhig po yin te/ bla ma dwags chung gis gzad kyi gcen pa wang thung rgyud kyi bu sring mo wang mo rgya gar gsal bya ba zhig bzhes pas/ de la jo sras ma rgya ma skyes nas zla ba brgyad lon pa la a ma 'das/ de'i a ma'i nu mo wang mo gcig yod pa bos nas nu bcol la btang bas/ de jo mor song nas de la zhig po 'khrungs pa yin/ de la rin po che lhums na bzhugs pa'i dus su/ yum gyi rmi lam na mi dkar po zhig gis gdugs dkar po gser gyi yu ba can zhig mgo la yang yang phub pa rmi ba zhig byung / bla ma zhang 'tshal pas lo nyer bdun bzhes shing / yon tan gzungs kyis nyi shu rtsa bzhi bzhes pa sa mo sbrul la zhig po bdud rtsi 'khrungs/ sku bltams nas zhib ma'i nang du bsnyal ba na 'ja' tshon zug pa byung / dgung lo gnyis tsam lon pa'i tshe nub gcig yab kyi zhal nas/ a ma la wang chung ma yar la longs dang / nga la rmi lam ltad mo che ba zhig byung khyod la bshad kyi gsung / ji 'dra cig byung zhus pas/ nga yul thag rings shig tu 'gro bar 'dug nas ri logs cig nas phar phyin tsa na/ lam kha na pha bong sngon po zhig 'dug nga la zhwa thebs gsar pa 'og cag dar phug ron ske la byas pa'i legs mo