[A:221]'dug pa yang mthong / slob dpon gyi zhal nas/ da mi 'dug na lha ri'i rtse mo la ltos shig gsung nas/ ri la skyo bsang la bzhud nas sang dgung 'byon du re yang ma byon nas/ ltar phyin tsa na/ slob dpon phung po lhag med du gshegs/ na bza' dang dbu zhwa dang bo dhi tsi'i phreng ba la sogs pa shug pa la gzar 'dug skad/ sba sgom ye shes byang chub kyis dgung lo nyi shu rtsa bzhi lon tsa na myang gis gdams ngag rnams gnang / sba sgom phug chung zur ra na nye gnas btsun chung zhig gis byed kyi yod tsa na 'dzeng gis mjal pa yin/ spyir sba sgom ye shes byang chub rten dge bsnyen du bzhugs pa de/ dgung lo dgu bcu rtsa brgyad lon pa'i tshe bsnyung ba med par gshegs pa'i tshe jo mo gad mos phyi rol gyi mi rnams mjal du ma bcug par mchod khang du spur me la bsregs pas/ 'od rdza ma tsam zhig nam mkha' la song ba phyi rol gyi mi rnams kyis kyang mthong ba byung / shul du gdung rus kyang ma byung ngo /
/'dzeng de ni/ yab bkra shis g.yung drung zhes bya ba tshe smad la rab tu byung nas tshul khrims rgyal mtshan du btags/ lo drug cu rtsa bdun la phur bu u nan gyi lugs la grub pa thob nas rdo rje gzhon nu'i zhal gzigs lo brgyad cu rtsa lnga la gshegs/ gdung sbyangs pas rdo rje gzhon nu'i sku dang ring bsrel mang du byon/ yum ni 'tshar dgu gza' skyid de zhes bya ba yar klungs thang chung pa'i btsun ma yin pa/ thang chung btsad po'i bu che bas phab nas 'dzeng 'khrungs/ 'dzeng byon dus