[A:240]tshig brgyud ni gang zag brgyud pa la yang yod do/
/phyi ma'i dus shig na myang mi dar ma dang dus mtshungs pa'i gnas brtan ldang ma lhun rgyal zhes bya bas gter rnams phyung / rang gis nyams su blangs/ gzhan snod ldan btsal bas/ myang stod nas lce btsun seng ge dbang phyug bya ba rnyed de/ de la gdams pa rim pa bdun btab/ de dang dus nye bar kha rag sgom chung la yang btab pas khong yang des grol zer/
phyi zhig na lce btsun gyi ldang ma la nor shin tu mang po 'bul du 'ongs pa/ mal gro'i myang bka' gdams pa dang snye thang du phrad nas/ des ldang ma gshegs pa'i gtam rnams bshad pas/ de na gnas gzhi zhig 'dug pa'i dge 'dun rnams la phul/ myang bka' gdams pas lce btsun bla ma la 'bul ba bzang po byed pa las dpags nas/ khyed la gdams pa zab mo yod par 'dug byas te zhus pas/ lce btsun gyis myang bka' gdams pa la gdams pa rnams gnang / des gzho'i ti sgro brag la bsgoms pas phung po lhag med du gyur/ yang lce btsun gyis 'u yug yan chad shangs man chod kyi ri rgyud rnams la gnas 'pho zhing bsgom pa'i grub pa brnyes te/ de nas yang lo lnga bcu bzhugs/ de nas zag bcas mi snang bar 'od du gyur/ khong gis gdams pa rnams 'u yug dang yang gro'i 'chad pa ltag dang / jal gyi phu ste gter kha gsum du sbas/
gter sbas nas lo sum cu na rong snar mda'i lce sgom nag pos gter 'ga' zhig bton/ rang gis nyams su blangs shing