[A:292]dpon ston pa'i slob ma byas nas chos mang du nyan pa zhig gi lo sum cu rtsa dgu pa'i sras su 'khrungs/ klog la sogs pa la'ang mgo bstan pa tsam gyis shes pa/ yab kyis dbang bskur ba'i tshul rnams kyang chung ngu nas khong du chud cing / chos dang mthun pa'i spyod pa 'ba' zhig gis 'da' ba zhig byung / lo bcu bzhi la mkhan po se dang / slob dpon du ba ba la rab tu byung / lo bco lnga pa la rgya cher 'grel la bshad pa mdzad pas shin tu mkhas par byung ste/ dge bshes glang gis dbu mdzad bu chen thams cad dga'/ bcu bdun lon pa'i tshe yum gyis cha rkyen mang po bkur nas da nga'i bya ba tshar/ lha rje mas lung bstan pa de yang khyod yin pa 'dra bas/ lha rje zla ba 'od zer gyi drung du song la gzhung gdams ngag dbang dang bcas pa thams cad rdzogs par zhus shig ces bslabs nas/ dpon g.yog kha cig gis gtsang la phyin/ lha rje zla ba 'od zer gyis kyang mngon par shes pas mkhyen nas/ bsu mi btang ba dang tshong 'dus mgur mor phrad/ yar phyin nas mang 'gar rgyal bzangs na bzhugs pa dang mjal/ 'bul ba rnams phul/ gzhan rnams la yang rnam gzhag bzang po byas/ pha shi ba'i dwa phrug mes pos skyong bar zhu ba'i zhu ba byas pas gral pa rnams spyan chab shor/ lha rje chen pos sras las kyang gces par bskyangs te/ gzhung gdams ngag dbang dang bcas pa legs par tshar/ mar lam 'dzad du ston skyabs pa la spyod phyogs dang / mngon pa rgyas par nyan/ khong la