[A:379]na zhus dus/ gsan du ma bzhed/ sne'u zur pa spyan drang ngam byas pas/ zhal nas/ de byung na dad de kho rang gis chog ste gsung bas/ sngas bsrungs kyang mdzad/ der thugs dam mdzad pas nam mkha' la mtho bar 'phags pa'i snang ba yang byung zhus pas/ po to ba'i zhal nas/ e 'di nga'i don byed snyam tsa na kho rang gi don byas nas 'dug gsung / lan cig rwa sgreng la 'byon pa'i tshe pha bong zhig la zhabs gtad de phyag sgrog bcings pas sbrul dkar po zhig pha bong 'og de nas 'thon te song / de na mdze bo zhig yod pa gzhan ci yang ma dgos par de gcig pus nad sos/ de la sogs pa mdze bo mang po'i don mdzad/ brtag pa mkhan yin snyam pa ma gtogs/ mkhyen pa dang ting nge 'dzin gyi mthu bsam gyis mi khyab pa mnga' bar phal gyis ma rtogs/ phyis sne'u zur du dgon pa mdzad de bzhugs pa na/ dad pa can mang du lhags/ tsha rong gi jo stan nag po dang / kwa ba dar seng la sogs pa'i 'dul ba 'dzin pa chen po mang pos kyang zhabs la gtugs/ ting nge 'dzin shin tu brtan pas rje btsun mi la dang yang mtshan thos pa'i grogs po yin zer/ mi mang po lam gyi rim pas khrid pas kyang bskyar du btub par byung / lam rim gyi dbu ni 'khor ba 'jug ldog nas mdzad/ bstan pa'i rim pa rgyas pa gsungs pa la slob mas zin bris byas pa yang mang du yod/ dge ba'i bshes gnyen rin chen sgang pa chen po gtsang ston snga phyi gnyis/ gnyal pa mi/ bur pa yul sman/ dpas ston