[A:389]jo bo bod du spyan ji ltar drangs pa'i lo rgyus shig 'ong thang ba la snyam nas/ gzhan nas ni ma rnyed pas khab gung thang du nag tsho lo tsA ba'i drung du byon/ nag tshos sngags kyi gdams pa shin tu mang bar gnang zhing lo gsum du bzhugs/ lo phyi ma tsam na jo bo bod du ji ltar spyan drangs pa'i lo rgyus gsung bar zhus pas/ lo tsA ba'i zhal nas/ ngas jo bo la lo bcu dgu bsten/ bod du spyan yang ngas drangs pa yin gsung nas dgyes bzhin du lo rgyus gsungs/ mar 'byon khar khyod kyis gnas 'di lta bu zhig tu sgrubs shig gsungs nas lag sor dgon pa'i lung bstan kyang mdzad/ de nas mar byon pa la phod mdo bas sna len byas nas/ mdo rtsa dang bslab pa kun las btus pa gnyis gsungs/ de nas spros pa thams cad dor nas nye gnas dang yang mi mjal ba'i sgrub pa yun ring du lag sor dgon par mdzad/ sgrub pa'i rjes la spa tshab dang 'phrang kha rje'i 'khrug pa'i dums la byon pa'i tshe phod mdor rma tsho byang rdor dang mjal bas/ khong dang de'u shang rdor spyan drangs nas chos btsugs pas rong pa'i bu bzhir grags pa byung ste/ bya 'dul ba 'dzin pa/ rog 'chims phu ba/ rnam par ba/ dge bshes zhus lan pa dang bzhi'o/ /rgya ra ston brjid dge bsnyen pas bur ma bgrangs so/ /rnam par bas ni rnam par dang ram pa lha sdings btab/ gsang phu'i gdan sa yang lo brgyad mdzad/ de la rnam par ba dang rog gis gdams pa la gtso bor byas/ lo rgyus la ched kha ma mdzad par snang / zhus lan