[A:39]cha lugs 'di lta bu byas pa bzhi 'ong zer/ de ngo mtshar nas/ don de rnams gtsug lag khang zhig gi mdun na rdo ring zhig yod pa la bris te/ 'khrungs pa'i lo de shing pho stag gi lo yin zer/ de nas yun ring po song ba na gtsug lag khang de yang zhig rdo ring de yang 'gyel/ nam zhig na rgya gar nas gsung rab mang po khur ba'i dge slong bzhi rgya'i yul du lhags/ de'i dus kyi rgyal pos/ cha lugs mi 'dra ba 'di rnams ji ltar yin pa ltos shig ces gsungs pa na/ gzhan sus kyang ma shes/ rgan mo zhig gis/ phyogs 'di na gtsug lag khang yod pa dang / der rdo ring la 'di 'dra ba 'byung ba'i yi ge yod/ rdo ring 'gyel pa de slong la ltos dang zer/ bltas pas lo dang zla ba thams cad mthun par byung / zhag bdun ma 'grig ces 'byung ba yin no/ /de ltar thub pa bltams nas yi ge slob pa dang rol rtsed sogs mdzad de/ grags 'dzin ma dang sa 'tsho ma khab tu bzhes te/ lo nyi shu rtsa dgur khab tu bzhugs/ de nas khyim nas byung zhing rab byung gis bsnyen par rdzogs nas/ lo drug tu dka' ba spyad pas shin sku rid par gyur pa las/ slar grong khyer bde ldan gyi bu mo dga' mo dang dga' stob mas ba stong gi ma lan bcu drug gi bar du nying khur byas pa'i 'o thug sbrang rtsi dang sbyar ba drangs shing gsol bas/ sku gser gyi gtan pa phyis pa ltar gyur to/ /de nas nai ranydza na dang nye ba'i brag zhig gi steng du bzhugs pas brag des ma bzod par zhig par gyur