[A:820]mkha' 'gro mas bslabs pa yin gsung/ de rting u rgyan du 'gro bar zhus nas dang por byang mi med kyi ri la bsgrub pa la byon/ thugs dam shin tu 'phel bas sngar gyi chos brjed pa thams cad sos/ de nas ti ser byon nas thogs shig bzhugs/ de nas mar yul dang ra byang nas lam mthon nas dza landha rar grogs mched lnga byon/ de nas gzhan thams cad phyir slog dpal ye dang 'grogs byon pas/ spyir yang 'jigs pa'i 'phrang mang po dang / khyad par sog po'i rta bas mgul sgom thag tu bcug nas bsdams/ sku lus la rdog pas kyang bsnun/ cung zhig 'gyel ba la de ma thag bzhengs te/ zhabs bro mang po mdzad/ 'o dod chen po bos pas rta pa zla bo rnams kyis 'di ni grub thob tu 'dug khyod kyi bu smad la ji 'dra ba 'ong ngam zer/ chu bo chen po gcig gi 'gram du gnam sa bla 'og 'gyur ba'i snang ba'ang shar/ de thams cad brtul zhugs kyis zil gyis mnan/ u rgyan dhum tha lar rtol/ der rdo rje rnal 'byor ma smad 'tshong ma'i bu ma'i gzugs su byas pa cig gis tshod ma phor gang byin zhing byin gyis brlabs pas las kyi sgrib pa'i lhag ma thams cad slongs shing zad/ rdo rje gsum gyi don ji lta ba bzhin du thugs la 'khrungs/ rdo rje rnal 'byor ma nyid kyi skur bstan nas zhal gyi gdams pa yang gnang / de nas phyir byon/ kha che la lam mdzad pas/ kha che'i rgyal pos gsod mi sum cu tsam zhig mngags pa dang lam du phrad kyang grogs mched gnyis ka ci yang ma nyes par