[A:854]
ni gu'i skabs/
de ltar dpal nA ro pas rje mar pa la gnang ba'i thabs lam chos drug gi brgyud pa'i rim pa rnams bshad nas/ nA ro pa'i lcam mo ni gu ma las byung ba'i chos drug gi rim pas smin pa dang grol ba'i rim pa bshad par bya'o/ /lugs de'i len pa po ni grub thob khyung po rnal 'byor te/ de ni gdung rus khyung po/ yab stag skyes/ yum bkra shis skyid gnyis kyi sras su stag gi lo la snye mo ra mangs su 'khrungs/ btsas ma thag tu rgya gar grub thob a mo gha byon te lung legs par bstan/ lo bcu lon pa'i tshe klog dang rgya bod kyi yi ge mkhyen/ dus kyi 'khor lo la mkhas/ lo bcu gsum pa la slob dpon g.yung drung rgyal ba la bon mkhas par bslabs nas gzhan la bshad pas dpe 'grems bdun brgya tsam byung / de nas bla ma 'byung gnas seng ge la rdzogs chen sems sde'i skor mang du gsan nas bshad pas/ der yang slob ma bdun brgya tsam byung / de nas stod lungs sho ma rar skor ni rU pa'i chos ma lus pa gsan/ de nas gser mang po bsnams nas bal por byon nas paNDi ta pa su ma ti la lo tsA bslabs/ kr-i yog gi dbang dang rgyud sgrub thabs lnga bcu tsam zhus/ a tu la badzra gyis grogs mdzad nas rdo rje gdan pa dang mjal/ dge tshul mdzad chos mang du gsan/