[A:929]sogs pa'i rgyud mang po gsan/ bla ma shes rab seng ge gshegs nas shambhar dang gnyis ka gzung ste/ dus 'khor gyi bshad mnyan yun ring po mdzad/ de nas snyan pa'i grags pas phyogs thams cad du khyab pa'i rgyus/ rgyal po chen pos gdan drangs te/ khyi lo la gong du byon te/ rgyal po chen po dang blon po ma lus pa dad par mdzad nas bzhi bcu rtsa gsum pa shing mo glang la gshegs/ de la bu rin po ches gsan te/ dang po thar pa lo tsA ba la tsandra pa bslabs nas lo tsA ba yang mkhas par mkhyen/ sbyor ba yan lag drug gi man ngag dpe med 'tsho nas brgyud pa gsan nas bsgoms pas khyad par can gyi myong ba yang 'khrungs/ dus kyi 'khor lo'i dka' gnas mang po la dris shing thugs la gzung / phyis shambhar du bla ma rdo rje rgyal mtshan pa'i drung du byon te/ zla ba dgu'i bar du bzhugs kyi bar nyin re bzhin rgyud 'grel gyi gsan pa dang dri rtog zhib tu mdzad/ rtsis la yang legs par sbyangs/ dus kyi 'khor lo'i yan lag phra mo rnams kyang gsan/ rdo rje rgyal mtshan pas bka' gnang nas dbang mdor bstan gyi 'grel pa sum brgya drug cu pa yang bsgyur/ zha lur phebs nas dus kyi 'khor lo la dus chos mdzad de gsungs/ dus 'khor skor gyi bstan bcos kyang mang du brtsams/ phyis bla ma 'phags 'od pa la kun spangs pa'i sbyor drug gi man ngag mang du bzhugs pa rnams gsan/ rgyud 'grel la mchan bu mdzad pa na/ shong 'gyur la 'gyur bcos mang du mdzad de/ de jo nang du lo